Home Remitido Persigui ciudadanonan di Aruba tambe ta discriminacion!

Persigui ciudadanonan di Aruba tambe ta discriminacion!

20
0
SHARE
- Advertisement -

Remitido

Nos fundacion a lanta specialmente pa promove y ta un vos ora cu derechonan humano ta wordo viola of ignora. Den un articulo na fin di aña 2017 nos a elabora un poco riba e discriminacion cu te ainda ta tumando lugar ora ta hasi distincion di rasa y sexo.

Articulo 1 di nos constitucion ta pone e obligacion na Gobierno di Aruba pa percura cu e casonan aki no sosode! Contrario na e tarea di gobierno pa percura cu derechonan humano ta wordo salvaguardia a resulta cu e mes ta violando derechonan di ciudadanonan di Aruba.

Den e prome 3 lunanan di gobernacion e gobierno a manda sigur mas cu 400 persona cas.

Pero dicon? Nan ta argumenta cu ta pa falta di papel. Si esei ta e caso mes e no por a wordo regla ainda? No tabatin espacio? Realidad ta cu un contesta bon funda lo nos no haya di e gobierno actual. E motibo real ta cu a dicidi pa persigui tur persona cu tin otro ideologia y cu a sostene otro partido politico. Esaki ta discriminacion!! Si bo lesa articulo 1 di Staatsregeling di Aruba ta poni bon cla cu “discriminatie wegens politieke gezindheid is niet toegestaan”.

Ta net e gobierno cu a indica e ser humano ta central. Ta e promer pa hasi distincion entre hendenan pa nan color politico como sifuera ta den campaña ta ainda. E pregunta ta si e gobierno aki den dia cla ta viola derechonan humano, kiko mas e lo ta capas di hasi?

Ban STOP cu Discriminacion!

Ban STOP cu Persecucion!

Aruba Human Rights for All!

Derecho Humano pa Un y Tur akin a ARUBA!

Fundacion Ban Educa y Prepara:  Derecho Humano, Trato Igual y Zero Discriminacion na Aruba

 

- Advertisement -

DUNA COMENTARIO

Please enter your comment!
Please enter your name here