Home Gobierno Prome encuentro orientativo entre Gobierno y IMF a resulta hopi positivo

Prome encuentro orientativo entre Gobierno y IMF a resulta hopi positivo

6
0
SHARE
- Advertisement -

Minister Presidente Evelyn Wever-Croes:

ORANJESTAD (AAN) – Minister Presidente sra. Evelyn Wever-Croes, a haci un recapitulacion di un encuentro cu e tabata tin cu e representantenan di Fondo Monetario Internacional (IMF), recientemente.

Esaki tabata durante un bishita orientativo cu IMF a bin haci na Aruba, den cual nan a sere conoci cu e gobierno nobo y su vision.

Pues, no ta den cuadro di e “Articulo 4 Consultation Mission” cu IMF ta haci cada dos aña, cual lo tuma lugar na aña 2019.

Premier sra. Wever Croes a duna di conoce cu di parti di Gobierno a wordo presenta e situacion financiero, hopi desastroso, cu nan a haya nos pais den dje, sin cu tabata tin e cifranan corecto, y aworaki despues di e assessment cu gobierno a haci tin e cifranan y a base di esaki ta preparando un plan financiero, pa yega bek na e caminda corecto. Esaki ta aspectonan cu a cay hopi bon cerca IMF, e dignatario a subraya.

“Nan a felicita nos tambe pa e vision, cual nan ta haya realistico y nan por haya nan mes aden. Nan a expresa tambe cu na mas di un ocasion nan a diferencia di opinion cu e gobierno anterior riba nan vision. E vision cu a hinca nos den problemanan financiero y cu aworaki nan por haya nan mes den lineanan grandi di locual nos a papia cu nan”, Prome Minister a informa.

E dama a agrega cu e detayenan pa gobierno mes nan no ta cla cu nan ainda, pero un bez cu esaki keda cla lo trece esaki dilanti pa IMF.

Prome mandatario a indica cu mescos e combersacionnan cu gobierno tabata tin cu CAFT tocante e tema financiero ta andando, y ta bayendo den bon direccion. Nan tur ta di acuerdo cu gobierno cu na e momentonan aki tin positivismo, hendenan tin smak atrobe y confianza pasobra Gobierno ta papiando berdad y ta treciendo cifranan dilanti, cu cifranan real y a base di esaki ta bin cu un plan realizable con pa soluciona nan.

“Esaki ta un reunion cu nos ta considera hopi bon pa nos gobierno. E prome cu IMF y cu un tono hopi positivo y ta trece espacio pa nos trece confianza y speranza cu nos ta yega na un solucion”, Premier sra. Wever-Croes a conclui.

- Advertisement -

DUNA COMENTARIO

Please enter your comment!
Please enter your name here