Home Gobierno Prome Minister a splica cu tin algun movecion encuanto situacion cu Venezuela

Prome Minister a splica cu tin algun movecion encuanto situacion cu Venezuela

502
0
SHARE
- Advertisement -

ORANJESTAD (AAN) – E tema di e situacion entre Aruba y Venezuela, tambe a bin dilanti den conferencia di prensa di Gobierno.

Prome Minister mr. Evelyn Wever- Croes a contesta un pregunta di prensa al respecto.

E dignatario a indica cu tabata tin cierto movecionnan y cu e Gobernador di Estado Falcon ta un di esnan cu a intermedia hopi y a pone presion, pasobra Estado Falcon ta un di e Estadonan cu mas ta sufri door di e blokeo di Venezuela pa nos pais.

E siman cu a pasa tabata tin movecion encuanto firmamento di un documento cu no a keda cla ainda, pero tin movecion aunke sea tiki, contrario na ultimo update cu e dignatario a duna.

E siman aki Prome Minister lo ta den Parlamento pa duna un poco informacion cu Parlamentarionan a pidi, tocante Venezuela y e negociacionnan, unda nos ta awor, etc. Pero tanten cu e documentonan no ta firma e fronteranan ta keda cera y no por trece ningun producto for di Venezuela.

E mandatario a subraya cu si nan ta habri mes, mester recorda cu tin reglanan nobo aplicable y esun cu kier importa algo for di Venezuela mester cumpli cu rekisitonan manera certificado di origen, un documento cu ta garantiza cu autoridadnan Venezolano ta permiti pa sali cu e productonan cumpra.

Sea habri frontera of no Aruba ta keda mantene e rekisitonan aki, e dignatario a subraya.

 

- Advertisement -

DUNA COMENTARIO

Please enter your comment!
Please enter your name here