Home Gobierno Prome Minister Evelyn Wever-Croes kier a duna un aclaracion riba aumento di...

Prome Minister Evelyn Wever-Croes kier a duna un aclaracion riba aumento di salario minimo

325
0
SHARE
- Advertisement -

ORANJESTAD (AAN): Prome Minister Evelyn Wever-Croes kier a duna un aclaracion riba aumento di salario minimo, na unda su colega di Asuntonan Social y di Labor a papia riba e tema aki, cu a causa un poco confusion, y pa motibo aki, el a dicidi di aclarea e asunto aki.

Ta asina cu nan a bisa mas di un ocasion, cu loke ta trata poder di compra y capacidad di esnan cu tin un salario hopi abao pa yega na aumenta poder di compra, tin diferente caminda pa yeg’e.

Gobierno ta evaluando, ta haciendo un estudio con pa yega na un mihor balance. Tin diferente opcion cu nan a cuminsa papia riba dje, manera hisa salario minimo combina, kiermen den un pakete, cu reduccion di winstbelasting. Esey ta nifica cu ta subi di un banda y baha di otro. Cu e pakete aki lo purba di garantiza di un manera of otro, cu si hisa salario minimo, esey no ta nifica cu e comerciante mester aumenta nan prijs pa consumidornan.

Naturalmente esaki no ta e unico posibilidad, tin otro posibilidad cu nan ta evaluando, ta no aumenta salario minimo structuralmente pa tur luna, sino bin cu un tipo di vakantie uitkering of un vakantie toelage pa personanan den sector priva y asina duna incentivo pa e doñonan di trabao.

Otro opcion ta e reparatie toeslag, con cu bay bin, gobierno anterior a introduci esaki, y a bin un cambio na caminda, cu a pone cu esnan cu ta gana mas cu 2.500 florin, tambe ta haya reparatie toeslag y esey no tabata e intencion. Nan ta den proceso pa cambia esaki, pasobra e ta solamente pa esnan cu tin un salario te na un cierto limite.

Gobierno ta den proceso pa yuda esnan cu tin un entrada abao, pa nan poder di compra por aumenta y tin diferente manera pa yeg’e. E discusionnan ta andando y actualmente tin un comision tripartite cu a wordo institui bao di Minister di Asuntonan Social y Labor, bao di DAO y SER a wordo apunta como miembro.

Prome Minister a bisa cu e ta contento riba discusionnan cu nan a mira den ultimo dianan, pasobra hopi instancia, manera di comercio y trahadornan, literalmente, a lanta fo’i soño y a cuminsa vocifera nan opinionnan, pero e discusionnan aki ta parti di discusionnan cu ta tumando lugar. Esnan cu conoce ley sa cu no por cambia salario minimo durante aña, kiermen pa haci cambio pa un suma substancial mester warda te fin di aña, pero pa haci esaki mester cuminsa cu deliberacionnan desde awo.

 

- Advertisement -

DUNA COMENTARIO

Please enter your comment!
Please enter your name here