Home Cultura Proyecto escolar Arte di Palabra lo ta diasabra 3 di Maart

Proyecto escolar Arte di Palabra lo ta diasabra 3 di Maart

12
0
SHARE
- Advertisement -

ORANJESTAD (AAN): Como Departamento di Cultura Aruba (DCA) nos tin e proyecto di “Arte di Palabra” (ADP) cu ta un competencia di conta cuenta, storia cortico, y poesia pa hoben escolar.

ADP Interinsular ta un competencia entre Corsou, Boneiro y Aruba. Esaki ta un competencia pa alumnonan di schoolnan avansa cu DCA ta organiza for di 2009 y cu aña pa aña e interes bou di nos hobennan ta creciendo pa participa. E aña aki ta su di 10 edicion y lo ser celebra na Aruba riba diasabra 3 di maart venidero di 6or pa 9or p.m. na Cas di Cultura.

Meta di e proyecto aki ta pa duna hoben oportunidad pa demostra nan creatividad literario; pa promove lesamento y skirbimento den nos idioma Papiamento; pa stimula publicacion di arte literario den Papiamento. Y tambe pa e hobennan di A.B.C. tin un intercambio den nan cultura.

Cu e proyecto aki DCA ta traha hunto cu Grupo di Corectornan di Papiamento y Fundacion Lanta Papiamento. Pa medio di e competencia aki di Arte di Palabra ta stimula e hobennan pa medio di nan poesia of cuenta cortico haci bon uzo di nos idioma Papiamento y enrikece nan conocemento di nos idioma.

Ora di saca informacionnan cultural di tur loke ta publicacion, DCA ta haci su esfuerso pa percura pa tur ta den bon Papiamento. Publicacionnan manera “Nos Isla”, foyetonan di nos Simbolonan Nacional manera nos escudo, himno, bandera, y nos moneda, celebracion di San Juan, Dera Gay y DCA su 40 aniversario etc.

Ora di duna relato den forma oficial nos di DCA ta haci uzo di e Vocabulario Ortografico di Papiamento di 2009.

Den sentido general ta considera idioma, como e medio unificado di mas importante di un cultura. Idioma ta carga tur pensamento y experiencia humano, cultura y identidad. Idioma ta transferi cultura.

Mirando esaki DCA tin idioma Papiamento como un punto importante den su educacion cultural. Como cu ortografia tambe ta un simbolo sumamente importante, como muestra di un propio identidad. Mester mustra cu e oficialisacion por crea aprecio y stimula nos, pa cu orguyo y amor, siña nos hendenan conoce e historia di nos idioma materno bon y promove e uzo corecto di papi’e y skirbie (papia- y skirbimento).

Durante e desaroyo di nos idioma materno Papiamento y como Departamento di Cultura Aruba bou auspicio di Ministerio di Cultura nos ta keda enfoca riba su retonan pa educa, promove, cuida y hacie mas conoci pa generacionnan cu ta bini.

- Advertisement -

DUNA COMENTARIO

Please enter your comment!
Please enter your name here