Home Cultura Pueblo mustrando cu nan tin deseo pa Despedida di Rey Momo regresa...

Pueblo mustrando cu nan tin deseo pa Despedida di Rey Momo regresa riba Diamars

118
0
SHARE
- Advertisement -

ORANJESTAD (AAN); For di comentarionan cu por a tende tanto Dialuna y Diamars den pueblo, a nota cu tin hopi hende ta anhela pa e Parada di Despedida di Momo regresa na Aruba.

Nan no ta contento cu ya di Diadomingo anochi caba a kima Rey Momo na Aruba.

Historia di Aruba ta rico di e ambiente cu tabatin semper Diamars anochi cu e Parada di Kimamento di Momo.   Un Parada cu tabata conta cu diferente grupo musical y participantenan cu ta usa nan mesun disfraz di Parada grandi y use un biaha mas.

Sinembargo ultimo añanan e cantidad di hende cu a bay mira, of jump den e parada a cay bastante.  Te cu na ultimo a djis organiza un evento riba Servicio Postal su parkeo y kima momo.

Mirando cu awor tin hopi hende anhelando pa e Parada di Despedida di Rey Momo regresa, lo ta bon chens pa discuti e asunto na mesa, y mira si por duna Aruba e Parada di Diamars anochi bek.

Por ehemplo, e ta un incentivo pa e.o. esnan cu a sali “Grupo di Aña”, como tambe “Banda di Aña”, por subi caya un ultimo biaha y showcase nan disfraznan pa tur hende mira.

Ban spera cu pa Carnaval 65, lo por tin Despedida di Rey Momo bek na Aruba.

 

- Advertisement -

DUNA COMENTARIO

Please enter your comment!
Please enter your name here