Home General Punto Fijo sufriendo awor cu ningun hende mas ta yegando di islanan...

Punto Fijo sufriendo awor cu ningun hende mas ta yegando di islanan ABC

2759
0
SHARE
- Advertisement -

Economia na Estado Falcon a wordo destrui

ORANJESTAD (AAN): Su mesun pueblo inocente ta sufriendo!  E medida di President Nicolas Maduro pa kibra contacto aereo y maritimo cu Aruba, Bonaire y Curaçao, ta afectando mas di 5.000 persona directamente na Punto Fijo mes!

E situacion na estado Falcon awor a bira mas critico.  Esey ta loke e diputado Luis Stefanelli a laga sa.  E medida di Nicolas Maduro ta destruyendo e economia na estado Falcon.

Awor cu no tin turista mas ta bin di Aruba, Bonaire ni Curacao, e fuente di trabao a desaparece na estado Falcon.  Venezuela a cera e frontera pasobra a keha cu koper ta wordo exporta.  Pero segun e diputado, esaki ta pasando desde hopi aña caba y nan a yega di denuncie na 2015.

Luis Stefanelli ta diputado pa Asamblea Nacional.  El a bisa cu e ceramento di frontera pa Aruba, Bonaire y Curacao ta debi na e consecuencia di accionnan di mafia di oro, y cu Gobierno mes a promove e contrabando ilegal aki rumbo pa islanan ABC.

Segun Stefanelli den un entrevista cu Radio Caracas Radio, e ciere di frontera pa islanan ABC ta afectando mas di 5.000 persona na Punto Fijo.  Hecho ta cu Punto Fijo a converti su mes den un ciudad desierto despues di tabata un referencia comercial.

Pa colmo, awor na Hospital van Grieken tin un exodo masivo di specialistanan!  Tambe na Centro Hospitalario Rafael Calles Sierra, e unidad cardiologico a haye obliga na cera, pasobra no tin docter mas pa trata hende.

Segun e Diputado, Gobierno di Caracas mes ta desmantelando e pais.  E parti west di estado Falcon a perde como 60% di e trahadornan tecnico di e compania Hidrofalcon, y na Universidad Francisco de Miranda, como 60% di e profesornan a retira.

El a agrega cu e situacion di hamber ta asina grave, cu na Paraguana mes comerciantenan cu tabata traha Dulce de Leche y Keshi di Cabrito, ya no ta produciendo esaki mas, pasobra nan a haya nan obliga na mata e animalnan aki pa consumo humano.

 

- Advertisement -

DUNA COMENTARIO

Please enter your comment!
Please enter your name here