Home Turismo Rancho La Ponderosa a honra cuatro invitado special

Rancho La Ponderosa a honra cuatro invitado special

11
0
SHARE
- Advertisement -

ORANJESTAD (AAN): Recientemente a tuma lugar un ceremonia cu hopi a disfruta di dje na Rancho La Ponderosa, caminda cu e propietarionan Luis ‘Lucho’ Claro y Ramón Herrera a honra cuatro fiel cliente pa nan di 15 aña bishitando e rancho, caminda cada uno a ricibi un plakaat conmemorativo.

E bishitante Kathleen Pryde a ricibi e titulo di “Mihor Amazona di Rancho La Ponderosa”. Como propietaria di un cas den Tierra del Sol e ta bishita e rancho regularmente.

Tracy Montgomery cu ta keda na Divi Phoenix; Blase Spinnozi y Stanley Livingston, ambos kedando na Marriot Vacation Club a ricibi e titulo di “Distinguished Horse Person”. Nan cuatro a conoce otro na e rancho y asina a bira bon amigo di otro. Rancho La Ponderosa a organiza un tremendo BBQ cual a worde atendi tambe pa nan tour guides. E ceremonia di premiacion a worde dirigi pa Coletta Zschuschen.

Ramon a splica cu tur cuatro cu a ricibi un homenahe ta comparti amor pa cabay y specialmente pa esunan di La Ponderosa cual nan ta bishita cada biaha cu nan ta aki na Aruba.

Lucho, cu ta un di e jinete mas respeta di e isla ta informa cu e cabaynan di Paso Fino ta debolbe e amor y ta haci cu nan pasonan ta mas suave na honor di e invitadonan.

E rancho cu ta famoso pa crea relacionnan personal cu nan cliente, cu ta bay mas aleu cu e duracion di e tour di un dia, a desaroya un amistad cu e clientenan den agradecimiento pa nan bishita.

Cu mas di 35 aña di experiencia, Rancho La Ponderosa ta sigui di ta un di e mihor opcionnan bao di e bishitantenan como tambe e localnan y ta e lugar perfecto pa disfruta di un experiencia excepcional di core cabay.

Riba potret por mira Lucho, Ramon, e invitadonan y tambe e ekipo di e ocasion festivo

 

- Advertisement -

DUNA COMENTARIO

Please enter your comment!
Please enter your name here