Home Hudicial Riba Diabierna Corte lo trata e caso di tiramento contra dos homber

Riba Diabierna Corte lo trata e caso di tiramento contra dos homber

167
0
SHARE
- Advertisement -

ORANJESTAD (AAN): Na November 2017 e caso a keda posponi pasobra Fiscal ainda tabata falta resultado di cierto investigacion. Ta trata aki di e caso penal cu Ministerio Publico a cuminsa contra e hombernan J.H. y A.F., kendenan ta worde acusa di intento di mata. Ambos a tira riba dos persona.

E acusacion cu na November 2017 Fiscal a presenta contra e duo aki ta cu dia 14 Februari 2017, premedita J.H. a tira riba e personanan A. y K. E tiramento aki a sosode den oranan di anochi na Madiki.  Riba e potretnan por mira Polisnan na e lugar di tiramento despues.

Tambe Fiscal ta acusa J.H. di tabatin un arma di candela cun’e sin cu e tin permiso pa esaki.

E acusacion contra A.F. ta cu e a riba den oranan di marduga e mesun dia riba e hombernan A. y K. diferente biaha cu un arma. Tambe Fiscal ta acusa A.F. di tabatin un arma ilegal cun’e.

Na November 2017 e caso a bin dilanti pro forma caminda Fiscal a bisa Hues cu e investigacion ta cla pero ainda falta e raport di Instituto Forence na Hulanda (NFI). E raport aki lo mester mustra resultado di pruebanan cu a manda di A.F.

Un dama victima P. a presenta y kier haci demanda di daño. E dama A. cu ta mama di A. a haci demanda di daño.

SOSPECHOSONAN TA VICTIMA:

Ta asina cu J.H. y A.F. ta victima den un otro caso di tiramento contra B.A. y C.K.

Hues a propone pa dia 23 Februari 2018 pa 9’or di mainta trata e caso. Abogado mr. Carlo di A.F. a cuestiona e hecho cu e victima B.A. ta bruha cos. No opinion di e abogado, A.F. no ta worde sospecha di a tira riba un cas 11.45 di anochi sino ta J.H. A.F. a tira hopi mas laat. E ta haya cu door di esey e kier pa laga A.F. liber. E ta haya cu e acusacion no ta corecto. Segun abogado for di whatsapp no ta mustra cu el a tira.

Fiscal a bisa cu e ta comparti punto di bista di mr. Carlo cu e declaracion di A. ta confuso y no ta cuadra. Fiscal a bisa cu A. tambe ta envolvi den caso pa a tira riba e dos sospechosonan. Fiscal a bisa cu a haya huls di balanan cu ta mustra cu ta A.F. a tira. Ademas lo tin combersacion riba whatsapp. Fiscal ta contra pa A.F. bay liber pendiente di e caso.

Hues a rechaza e peticion di abogado y a bisa cu dia 23 di Februari 2018, esta mayan, e caso ta worde trata. DIARIO lo informa lectornan di tur loke sosode den sala di Corte.

 

- Advertisement -

DUNA COMENTARIO

Please enter your comment!
Please enter your name here