Home Salud Si bo cumpra medicina atravez di canalnan no usual no tin garantia...

Si bo cumpra medicina atravez di canalnan no usual no tin garantia cu esaki na traha bon

71
0
SHARE
- Advertisement -

Inspector di Medicina

ORANJESTAD   (AAN): Mirando cu mas y mas bo ta wak cu diferente tipo di medicina y remedi ta wordo ofreci na venta na diferente manera incluyendo atravez di Facebook, Ministerio Publico y Inspeccion di Salubridad di Aruba (IVA) a firma un protocol di cooperacion Diamars riba esaki.

Durante un conferencia di prensa, Inspector di remedi Roselynn Angela a trece dilanti cu pa loke ta venta di e remedinan atravez di Facebook, na fruteria of na supermercado, no tin e garantia por ehempel, cu esakinan a wordo warda na e temperatura corecto of bao di e condicionnan necesario.

Si e remedi por ehempel mester a wordo warda den frieu y esaki no a sosode, e chens ta grandi cu e no ta funciona debidamente, cu tur consecuencia cu ta bin acerca.

Remedinan cu no ta bin atravez di e canalnan debido, esta prescribi pa un docter y busca of cumpra den un botica, por causa problemanan grandi.

Por ehempel si hende haya un remedi prescribi y asina mes ta cumpra uno atravez di por Facebook y uza ambos, e mezcla por tin un efecto hopi negativo riba salud di e persona.

“Pesey tin e canalnan regular pa cumpra remedi, pa asina por wordo garantiza cu e remedi ta di bon calidad y ta esun adecua pa e persona”.

Esaki segun e Inspector di medicina.

El a wordo puntra con  ta atende cu e hecho cu por ehempel tin supermercado cu ta bende remedi.

Segun Angela, regularmente ta hasi control riba supermercadonan y ta actua tambe mas tanto a base di kehonan cu ta drenta.

E control no ta algo facil, mirando e cantidad grandi di supermercado cu tin na Aruba.

 

- Advertisement -

DUNA COMENTARIO

Please enter your comment!
Please enter your name here