Home Gobierno Si hisa salario minimo y comerciante hisa prijs e ora no a...

Si hisa salario minimo y comerciante hisa prijs e ora no a logra e proposito

193
0
SHARE
- Advertisement -

Minister Glenbert Croes:

ORANJESTAD   (AAN): Minister Glenbert Croes ta conciente di diferente cos despues di anuncia e intencion di aumenta salario minimo den un forma drastico. Si bo ta hisa salario aki, anto comerciantenan ta sigui hisa nan prijsnan, anto no lo logra e proposito.

E discusion ta cu tin cu yega como gobierno, na un pakete total, cu ta encera mehora salarial, ampliacion di canasta basico, un pakete total di asistencia social. Bo tin e tema di e trahadonan, pero e ex trahadonan awo.

Por ehempel pensionadonan. Pensionadonan na e momentonan aki no por biba cu loke nan ta ricibi na pensioen. E bijstand nunca a yega. E pregunta ta, con ta bay logra e mehora salarial sin perhudica bo progreso economico cu mester carga tur e desaroyo aki. E realidad ta, sin doño di trabao, no tin trahado. Sin trahado, no tin doño di trabao. Pa tur dos progresa, nos economia tin cu progresa. E ora tin cu percura pa bin cu un formula. E ekilibrio ey ta bay busca den e comision tri-partite.

Un cos ta sigur cu e minister kier a set the tone, cu e vision ta, cu e 1711 florin di salario minimo, no por keda eynan. Na e momento cu nivel di subsistencia como ciudadano, ta na 2066. E minimum bestands pa un ciudadano, segun CBS, ta 2066 florin. Pa un pareha cu 2 yiu, ta mas di 4000 florin.

Den e tripartite, comercio como doño di trabao, gobierno y trahado, hunto yega na algo, den cuadro di un vision di un pakete total. Pero loke si ta importante ta, e minimum loon mester ta na nivel di loke ta yama poverty line. Liña di pobresa. Imagina cu na Aruba ta dispuesto pa bisa cu e minimum loon mester ta cerca di e armoede grens. E liña di pobresa. Pero e minister a kere cu kier caba cu pobresa. Pesey ta un discusion amplio. E ta un discusion cu no ta regarda salario minimo so. E ta un discusion cu ta regarda e canasta basico y insentivo economico pa e comerciante.

Ta compronde cu e comerciante ta bisa cu si gasto mester subi, e mester subi su gastonan. Inflacion ta bay subi, e ta bay afecta poder di compra. Entorno, e ta afecta tambe e desaroyo economico. Loke pa e minister ta importante, cu a cuminsa discuti na Aruba, cu e salario minimo, manera e ta, 1711 florin, cu tin tur trahado den pobresa, ta pesey tin hende ta traha dos trabao. Pesey tata y mama ta traha, cu yiunan ta keda sin atencion. Ta afecta e atencion social. E discusion fundamental ey a cuminsa riba dje.

Meta di e minister ta cu den bon entendimento cu Sector priva, sindicatonan, gobierno, tripartite, purba lo mas cu por, yega na un entendimento, e no ta bay ta facil, pero tampoco no lo bay logra lihe. Pero e kier pa e aña aki defini kico mester bira e salario minimo na Aruba, e minister a termina bisando.

- Advertisement -

DUNA COMENTARIO

Please enter your comment!
Please enter your name here