ORANJESTAD (AAN): OGM ta un curso cu ta forma parti di e facultad di Arts and Science na Universidad di Aruba, OGM ta para Organization, Governance and management.
Sidney Simoons, Xenia Nieuw y Christle Nieuw ta studiantenan den e prome aña di e studio aki. Den cuadro di e curso OGM e studiante nan a haya e oportunidad pa bay un excursion educacional na Washington D.C.
Durante di e viahe na Washington e studiantenan tabata tin e oportunidad pa sera conoci cu diferente Arubiano nan cu ta traha den organizacionnan prestigioso na Washington D.C.
Durante di e encuentro na e Embahada Hulandes e studiante nan por a sera conoci cu un di e prome Director nan di Banco Central di Aruba.
Ademas, e studiantenan a bishita algun universidad, caminda nan a ricibi information tocante estudionan cu nan lo por sigui den futuro. Como studiante di prome aña di OGM, nan a menciona cu e excursion aki ta uno di valides y cu lo yuda nan durante nan estudio, y cu por cierto tambe lo yuda nan cu nan conocimento di diversidad cultural, haya sa mas di historia internacional, comunicacion y sostenibilidad.
Pa conclui, e excursion educational aki tabata un experiencia inolvidabel y fructifero pa e studiantenan, kende a keda masha agradecido di por a haya e oportunidad di experiencia Washington D.C di cerca. E studiantenan kier a gradici un y tur cu a contribui pa hasi excursion aki bira uno realidad
