Home Parlamento Sue Ann Ras di MEP mustrando cu ningun Ambtenaar ta cobra e...

Sue Ann Ras di MEP mustrando cu ningun Ambtenaar ta cobra e reparatie toeslag tog

24
0
SHARE
- Advertisement -

ORANJESTAD (AAN): Manera DIARIO a splica caba den edicion di Dialuna, Gobierno di Aruba a papia cla y raspa, cu nan lo NO mishi cu “Reparatie Premie”!  Hendenan cu a mira TV a compronde malo.  Hecho ta cu Premier Wever-Croes a papia di otro cos, esta “Reparatie Toeslag”

Esnan den Gobierno ta sospecha cu ta satelitenan di AVP siman pasa a purba di pusha palo bao candela cerca prensa, y aparenta como sifuera docentenan lo bay perde “Reparatie Premie”.

Pero mas bien, loke Prome Ministro Wever-Croes a referi na dje siman pasa, ta e asunto di “Reparatie Toeslag”.  Esey ta un extra pago cu semper ta esnan cobrando menos di 2.500 Florin bruto tabata haye.

Parlamentario Sue-Ann Ras di MEP a reacciona riba Diamars, mustrando cu ‘reparatietoeslag’ NO ta pa niun funcionario (ambtenaar) cu su salario ta riba 2.500 Florin pa luna.

‘Reparatietoeslag’ 2015:

Pa clarifica y informa pueblo, specialmente nos docentenan y otro funcionario, segun Ras, ‘reparatietoeslag’ ta un compensacion (reparatie) cu ta destina solamente pa e trahadornan cu un salario minimo mensual entre 1.636,69 Florin y 2.500 Florin . Pues obviamente niun docente no ta cay den e rango aki.

Derecho riba ‘Reparatietoeslag’:

Ta bon pa tur hende ta na altura ki ora bo tin derecho riba ‘reparatietoeslag’. Un trahado tin derecho riba ‘reparatietoeslag’ ora cu: (*) Su salario den 1 luna segun calender NO ta mas abou cu 1.636,69 Florin y NO mas halto cu 2.500 Florin.  (*) Su horario laboral pa siman ta un promedio di 20 ora of mas.  (*) E trahado ta inscribi na registro civil di Aruba.  (*) E trahado NO ta haya pago (uitkering) di AOV of AWW di SVb Aruba.

E compensacion ta 115 Florin pa luna cu un salario di 1.636,69 Florin y ta hay’e segun un escala gradual di 70 Florin cu un salario di 2.500 Florin.

“Pues un biaha mas ta pidi pueblo en general, pa no cay pa e cuantioso famoso ‘fake news’, ya cu esunnan cu ta haciendo esaki, realmente NO sa mas kico pa inventa y ta busca tur sort’i topico pa troce e berdad y trece disgusto y duda den pueblo”, Ras a finaliza bisando.

- Advertisement -

DUNA COMENTARIO

Please enter your comment!
Please enter your name here