Home Social Super Food Plaza Cares Program ta haci donacion na Aruba Lionfish Initiative...

Super Food Plaza Cares Program ta haci donacion na Aruba Lionfish Initiative Foundation

28
0
SHARE
- Advertisement -

ORANJESTAD (AAN): Recientemente Super Food Plaza Cares Program a haci entrega di un cheque na valor di Afl. 16.060,66 na Aruba Lionfish Initiative Foundation (ALFI).

E cheque a ser otorga pa marketing manager di Super Food Plaza, Sr. Rudy Richardson y a ser ricibi pa Sr. Ed  Egan y demas representantenan di e fundacion.

Cu e donacion aki, ALFI lo por mehora su esfuerzo den e lucha pa disminui e cantidad di pisca lionfish den nos awanan. E pisca aki ta uno invasivo cu ta caba cu tur otro pisca y cu tempo tambe cu nos coralnan.

Super Food Plaza Cares Program ta un programa cu Super Food a cuminsa cu ne pa asina yuda fundacionnan local yega na fondonan necesario pa por cumpli cu nan meta. Clientenan di Super Food Plaza por haci un donacion di minimo Afl. 1.75 y cu esaki nan por participa pa gana 3 gift card semanalmente.

E prome premio ta un gift card di Afl. 1000, segundo premio gift card di Afl. 500 y tercer premio un gift card di Afl. 250. Super Food Plaza ta pone e premionan disponible y tur fondonan recauda ta bay pa e fundacion cu ta na turno e luna ey. Tur dialuna ta tuma lugar un otro sorteo pa e campaña aki.

Actualmente ta recaudando fondo pa Koningin Wilhelmina Fonds (KWF). E fundacion aki ta yuda tanto pacientnan cu cancer como tambe nan famia, cu hopi biaha ta sufri hunto cu e pacient. Na Aruba, hopi ta esnan cu ta haya nan confronta cu e malesa di cancer y tur hende conoce un familiar of amistad cu mester a lucha e malesa aki.

Pa e motibo aki, clientenan di Super Food Plaza ta keda invita pa sigui sostene e Super Food Plaza Cares Program pa asina KWF por ricibi un bunita suma pa nan sigui cu nan trabao indispensable den nos comunidad.

- Advertisement -

DUNA COMENTARIO

Please enter your comment!
Please enter your name here