Home Hudicial Ta hopi peligroso pa cumpra medicina na un manera ilegal

Ta hopi peligroso pa cumpra medicina na un manera ilegal

36
0
SHARE
- Advertisement -

Inspector General:

ORANJESTAD    (AAN): Diamars a tuma lugar firmamento di un protocol di cooperacion entre Ministerio Publico di Aruba y Inspeccion di Salubridad Publico di Aruba (IVA), relaciona cu entre otro venta ilegal di medicina.

Tin casonan unda cu hende ta cumpra medicina via un amigo, un bisiña of Facebook, pero OM y IVA kier para esaki, mirando e riesgo y peligernan cu esaki ta trece cune.

Pesey e acuerdo a wordo firma y durante un conferencia di prensa Diamars, Inspector General di IVA Dorylee Pappers-Lopez Penha a bisa cu esaki ta un dia importante.

El a indica cu for di Januari aña pasa caba, IVA ta den combersacion cu Fiscal Dorien Kardol riba locual nan ta topa cune, sigur pa loke ta medicina.

“E tarea di Inspeccion ta pa supervisa cuido di salud na Aruba y esey tin di haber cu tur faceta di cuido, incluyendo medicina”.

Esaki segun e Inspector General, kende a sigui bisa cu firmamento di e protocol ta un logro importante, unda cu awor hunto cu e fiscal y OM, por actua contra venta di medicina na un manera ilegal.

Tin un peliger grandi den cumpra y uza medicina no haya atravez di e canalnan oficial.

- Advertisement -

DUNA COMENTARIO

Please enter your comment!
Please enter your name here