Home Comercio Ta importante pa Gobierno y ATA y comercio sigui sostene nos Missnan...

Ta importante pa Gobierno y ATA y comercio sigui sostene nos Missnan cu ta bay den exterior

250
0
SHARE
- Advertisement -

Segun Isai Labadie

ORANJESTAD (AAN): Pa sigui promove e isla aki, en general ta aceptable pa den futuro, tanto Gobierno di Aruba, Oficina di Turismo ATA y Comercio di Aruba sigui sostene e isla aki su representantenan den e 4 certamen di Beyeza mas grandi y conoci rond mundo, cu tin hopi aña di existencia!  Principalmente na esnan unda un representante di Aruba semper tabata presente.

Aki tin un bista di e añanan di existencia di cada certamen.  Miss Mundo ta existi 67 aña.  Miss Universo ta existi 66 aña.  Miss International ta existi 57 aña.  Miss Earth tin 17 aña di existencia.

Aki DIARIO ta presenta un bista di e directornan Nacional di Aruba cu a maneha e 4 certamennan aki di  mas grandi y reconoci rond mundo.

Sr. Milo Croes d.f.m , Sr. Stanley Arends, Sr. Ronny Brete d.f.m , Sr. Raymundo Atan Lee, Sr. Romeo Thijsen, Señora Jerousha Rasmijn, Sr. Renny Lacle, Sr. Marinus Weegereef, Sr. Isaï Labadie

Historia:

Aruba a haci su debut na Miss Mundo y na Miss Universe na 1964 cu nos maximo representantenan e tempo ey cu Srta. Mary Croes y Srta. Lydia Henriquez bou direccion di Sr. Watti Chay d.f.m di Oficina di Turismo y Sr. Milo Croes d.f.m.

Na 1974 Aruba Promotion, baa presidencia di señor Ronny Brete, a manda e tempo ey Srta. Maureen Ava Vieira pa Manila, Filipinas, unda cu pa prome biaha Aruba su nomber ta resona entre tur e grandinan den mundo como di Cuater Finalista di Miss Universo.

Na 1990, Gwendelyne Kwidamata logra drenta den e top 10 na Miss Mundo.  Na 1994 Srta. Alexandra Ochoa a representa Aruba na Japon pa prome biaha na Miss International  y aki un biaha mas Aruba su nomber ta resona como Prome Finalista.

Na 1996 ainda ta fresco den nos memoria ora cu na Las Vegas, Nevada, Srta. Taryn Mansell a haci nos hopi orguyoso y a pone e nomber di Aruba hopi cerca di e corona di Miss Universo, kedando como Prome Finalista.  Mientras na December di e mesun aña, Afra Henriquez a logra posiciona su mes den e top 10 di Miss Mundo.

Na aña 2000, Carolina Albetsz ta bira Miss National Costume na Tokyo Japon na e certamen di Miss International. Na 2001 Dione Croes ta drenta den e Top 15 di Miss International, y  te na Sur Africa Srta. Zeralda “Zizi” Lee ta bolbe laga Aruba un isla asina chikito ariba mapa mundial, su nomber resona, como Prome Finalista di Miss Mundo y 2002 Rachelle Oduber ta clasifica como semi finalista dem Miss Mundo.

Y asina DIARIO por menciona mas di otro mucha muhernan Arubano cu a conkista diferente otro premio den diferente di e certamennan aki, Na 2002 tabata e prome biaha cu Aruba a participa na e certamen di Miss Earth, unda cu Srta. Yuranney Toppenberg a representa Aruba, e aña ey e certamen tabata bau guia di Señor Raymundo Atan Lee.

Durante 2007 y 2008 Aruba ta gana e titulo di Miss National Costume na Tokyo Japon  na e certamen di Miss International cu Jonella Oduber y Nuraiza Lispier y na 2011 Vivian Chow ta gana e titulo di Miss Goodwill Ambassador of beauty na Miss International.

E 4 certamennan aki ta conta cu participacion di mas o menos 78 pa 120 pais tur aña, unda cu prensa rond mundo y hopi persona amantenan di certamen ta sigui esaki di cerca.

Na 2015 tabata e ultimo certamen nacional di Srta Aruba unda cu a conta cu 10 participante pa representa Aruba tanto na Miss International y Miss Earth. 2016 pa falta di cooperacion y sponsor, a dicidi di haci coronacion y a haci lo maximo pa por a manda un representante na ambos certamen tanto na Miss International y Miss Earth.

Preocupacion:

Ultimamente a lanta hopi organizacion cu no ta ni registra na camera di comercio y ta haci certamen  of manda representante den exterior na certamenan no popular unda 8 of 9 pais ta participa y esaki ta trece cu ne, cu  ora un organizacion serio di tal magnitud ta sali y busca ayudo y sponsor, ya e otro organizacionnan aki a pasa bo dilanti y no tin e ora pa e certamennan mes, cu ta ser menciona ariba.

Y  asina ta haci e trabao pa manda un representante di Aruba na un di e 4 certamennan aki, dificil pa participa , sigur cu un di e certamennan aki, ta encera hopi trabao, preparacion y placa.

E representante por ricibi yudanza di su famia of amistadnan den cierto cosnan, pero e detayenan di mas grandi y importante, e organizacion mester por conta cu apoyo di Gobierno, Oficina di Turismo y Comercio pa asina e por cubri e gasto di  por ehemplo, pasashi, franquicia trahe di gala y fantasia.

Na momento cu e yega na e pais cu e certamen ta tuma lugar ta Aruba e ta representa, y si algo bay no mucho bon,  ta Aruba su nomber ta ser perhudica.

E certamenan aki ta haya masha hopi acohida y atencion, y sigur ta hacinan mas curioso pa conoce tur e candidatanan mas di cerca, y sigur cu cobertura di prensa internacional. Aruba su maximo representantenan como embahadora  ta propaganda pais Aruba no solamente cu su presencia pero tambe entregando flyers y papia di tur cosnan bunita cu nos pais tin pa ofrece  y nos ta e pais di mas amabel y safe den caribe.

Sponser , Cultura , diferencia  Miss  y Carnaval:

Hopi comerciante ta opta pa sponser grupo di carnaval of un candidata di un organizacion pa reina pa yuda engrandece cultura, pero e eleccion di reina ta uno nacional cu e candidata no ta representa su pais Aruba den exterior, solamente e tin e tarea pa  habri e parada di carnaval cu su grupo, mientras cu un Miss ta requiri hopi otro preparacion

Comentarionan ricibi di un encuesta tambe ta mustra, cu sponsornan tambe tin mal experiencia cu otro organizacion nan no tin confianza den cierto certamen, sin tene cuenta cu tin otronan, cu si ta traha drechi y honesto pa pais Aruba

Isai Labadie ta President di Miss Aruba Foundation desde 2012.  Den pasado el a yega di yuda Señor  Atan Lee y Señor Renny  Lacle pa varios aña den production di e certamen di Miss Aruba, Cu apoyo di Sr. Lee y prome Minister di pais Aruba mi a forma e foundation cu e meta  pa trece igualdad y un mihor preparacion pa cu e candidatanan y tambe cambia e nomber  pa Srta. Aruba na nos dushi idioma papiamento debi cu na 2013 tabata net 10 aña pasa a reconose Papiamento como idioma oficial.

Desde 2013 te 2015 Miss Aruba Foundation a logra titulonan importante na e certamen di Miss International 2013 Miss National Costume, Miss Goodwill Ambassador of Beauty , 2014 Top 6 Miss National Costume,  2015 Miss International America (di e 5 continente) y na Miss Earth Brons Miss Friendship.

E organizacion a haci nan maximo esfuerso pa por a participa y ta riba e mes un nivel cu otro paisnan, e tarea no ta facil, pero si posible ora bo ta haci’e cu hopi amor y dedicacion, apesar di e contratiempo y envidianan ricibi. Nan meta ta pa aporta na pais Aruba di por manda un bon representante, sin cu e mester pasa den e caminda duro. Miss Aruba Foundation tambe ta aporta na yuda otro fundacionnan y cu trabaonan social

Incidente cu Sponsor y candidata: Segun Labadie, na 2015, dos di su sponsornan a keda pendiente pa por haci entrega  di e premionan corespondiente na e ganador di e aña ey.  E ganador por a acerke pa hunto asina  por a bay bishita e sponsornan, pero no tabata e caso, despues di e incidente aki unda cu e ganador a publica riba Facebook cu nunca e no a ricibi su premionan, asina pone su nomber y su organizacion den un luz negativo cerca e companianan.

Danki Dios cu e sponsornan a reacciona, bisando cu ta debi cu nan tabata warda riba probacion di nan superior cu ta den exterior, tabata e motibo di e tardanza pa haci e entreganan di e premionan na e ganador, y  asina e ganador a ricibi su premionan na 2016 y asina a finaliza loke tabata trata di e premionan cu a keda pendiente pa entrega na e ganador.

Gobierno di Aruba y Oficina di Turismo y Comercio mester tin un miho control:

Mirando un suceso cu a pasa na  2017, desde luna di maart, su peticion pa cu sponsor a worde aproba pa e Minister  saliente, y pa un motibo of otro, nan a ricibi un carta di e sponsor, cu el a haci un equibocacion, y e budget “sponsor” a bay pa un otro organizacion, y sin cu por a trece esaki back pa nos organizacion, y pa e motibo, no por a manda un representante di Aruba pa e certamen di Miss Internacional 2017.

Lo ta bon si pa pidi un resumen di e placa aki cu mas bien tabata destina pa e representante di Aruba pa bay e certamen di Miss Internacional, mientras cu e otro organizacion aki no tin e franquicia di Miss Internacional, pero si ta tuma e sponser cu ta destina pa e Miss internacional.

Oficina di Turismo boso sosten ta di hopi importancia den e certamen nan aki.  Envez di nenga peticion tene cuenta  cu e Miss ta un joven studiante di Aruba  cu ta dispuesto pa representa y promociona su pais Aruba  riba e tereno di beyeza y inteligencia, entre e pais nan Grandi, e propaganda cu e candidata ta haci pa su pais, ta algo impagable y ta conta cu boso ayudo mescos cu ora ta sponsor cualkier concierto of  deporte of persona nan di exterior cu ta bin haci nan proyecto di moda na Aruba.

Representa bo pais den un certamen di beyeza ta algo hopi serio y di responsabilidad, y actualmente no ta wak e importancia di esaki  acaso e mester gana un premio den exterior pa e ora ei so use pa publisidad?

Segun Labadie, na su opinion mester por tin presupuesto pa e candidata, pa e por ta sigur di su mes, y asina e por tin un preparacion di mas o menos 10 luna prome cu e bay den exterior y cu e resultadonan porta exitoso.

Isaï Labadie Presidente di MISS ARUBA Foundation ta spera di por ricibi cooperacion pa por realisa e certamen nacional 2018 cu e aña aki  ta dedica na Dione Croes Top 15 di Miss International 2001.

- Advertisement -

DUNA COMENTARIO

Please enter your comment!
Please enter your name here