Home Enseñanza Tema di IPA su perspectiva mundial 2018 ta paternidad y educacion ta...

Tema di IPA su perspectiva mundial 2018 ta paternidad y educacion ta fundeshi pa un comunidad duradero

11
0
SHARE
????????????????????????????????????
- Advertisement -

ORANJESTAD (AAN): Pa motibo di desaroyo no-holistico, nos enfoke anterior tabata mas den direccion di un of dos perspectiva. Sinembargo, Nacionnan Uni kier haci un cambio na 2030 pa loke ta trata trahamento den forma holistico dirigi riba e perspectivanan economico, social, medio ambiente y ‘good governance’.

Basa riba  e cambionan aki  IPA tambe  a evalua su agenda sostenibel y nos ta mira cu e aspecto social y governance mester ta mas profundo hinca den  nos  curriculum.

Esnan di IPA sa cu resultado di  nos schoolnan basico, especialmente e di prome klasnan na Aruba no ta suficiente.  Como IPA  nos  ta consciente di e problematica aki y nos sa tambe  cu un bon resultado no ta depende solamente di nos maestronan, pero ta mara na famia.

Nos  famianan, mescos cu hopi luga na mundo, a cambia y lo sigui cambia,  nos manera  di ser mayor tambe  a cambia. Tur esaki tin relacion directo cu e resultado di nos studiantenan di IPA y nos muchanan. Pues nos maestronan tambe mester implementa e concepto nobo aki pa por  compronde mundo bon y purba di ta creativo pa soluciona problema di  nos muchanan hunto cu e mayornan.

Basa riba  e cambio di pensamento aki, IPA a introduci caba na nos maestronan e asina yama habilidadnan di siglo 21. Esaki ta encera pensa solucion pa problema, sea creativo, afinidad pa digitalisacion, siña pensa critico y traha hunto.

Pa por analisa e problemanan social den comunidad Arubano mas profundamente, nos tema di Perspectiva Mundial dia 13 februari pa 28 februari 2018 e aña aki lo ta : famia, paternidad y educacion fundeshi pa un comunidad duradero .

E programa di Perspectiva Mundial lo ta dirigi riba e tres SDG-nan. SDG-1 tin como meta combati pobreza. SDG-2 ta trata combati hamber y SDG-3 cu ta trata bon educacion. Lo analisa en bista di e tema.

E pregunta principal cu nos studiantenan lo purba contesta den Perspectiva Mundial 2018 ta entre otro: (A) Con mayornan lo mester bay educa nan yiunan pa  haya miho resultado den nos mundo global? (B) Cua ta e habilidadnan cu nos maestronan mester desaroya pa por yuda y compronde nos muchanan, famia y nos comunidad?

Hunto cu diferente partner nos ta spera cu nos studiantenan di di tres aña lo por  profundiza den e dos simannan aki mas den e tema aki ya cu esaki ta hopi esencial pa nos  futuro maestronan.

Despues di e profundisacion aki, nos studiantenan di di tres aña di IPA, ta bay pasantia den exterior for di 28 di februari pa 30 di maart. Nan lo studia  e tema aki na  Argentina, Costa Rica, Hulanda / Belgica, Barcelona, New York y Baltimore. Despues cu nan regresa Aruba nan lo practica loke nan a siña di e tema aki den nos schoolnan basico.

 

- Advertisement -

DUNA COMENTARIO

Please enter your comment!
Please enter your name here