Home Deporte Thamara Sagastegui a gana tur su 7 weganan den Copa Betico 2018...

Thamara Sagastegui a gana tur su 7 weganan den Copa Betico 2018 di ahedres

18
0
SHARE
- Advertisement -

ORANJESTAD (AAN) – E weekend cu ta tras di lomba a tuma lugar den nos clubhouse na Nieuwstraat 11, Oranjestad, e acostumbrado torneo di ahedres “Copa Betico 2018”.

E torneo aki a wordo hunga den 3 diferente categoria.

Nos chiquitinnan bao 12 aña (U-12), a hunga nan torneo riba dia di Betico (25 Januari).

Na promer lugar a termina den categoria di U-12 Girls y alabes Absoluto, Thamara Sagastegui.

Thamara a gana tur su 7 weganan.

Segundo Lugar a bay pa Aimara Ballestero. Aimara a termina cu 5 punto. Y e tercer lugar den U-12 Girls a bay pa e hobencita Mary-Jane Bueno. Mary Jane a score 4 punto.

Den seccion U-12-Boys, a termina na promer lugar Jeshua Mc Collum cu 5 punto for di 7 partido. Segundo lugar a bay pa JeanPierre Acevedo. JeanPierre a termina tambe cu 5 punto for di 7 partido, pero a hunga cu hungadornan cu a score menos punto.

Tercer lugar a bay pa Patrick de Roo. Patrick a score 4 punto.

Best player bao 10 aña a bira Miguel Paes. Y best player bao 8 aña a bira Sylvi Cabral.

Miguel y Sylvi a haja un medaya.

Categoria U-18 y Open a wordo hunga riba diabierne, diasabra y diadomingo cu ta tras di lomba.

Den categoria U-18, e promer lugar a bay pa Eldrick Donata. Eldrick a score 4 ½ punto for di 5 partida. Segundo lugar a bay pa Ayden Dirks cu 4 punto for di  partido. Y tercer lugar a bay pa Thamara Sagastegui. Thamara a score 3 ½ punto for di 5 partido. Thamara a participa den categoria U-12 y den categoria U-18.

Best player bao 16 aña y cu no a termina den e promer 3 lugarnan a bay pa  John A. Tromp. John a score 3 punto. Y best player bao 14 aña a bira Christian Manuel. Christian a score 3 ½ punto. John y Christian a haja un medaya como premio.

Den categoria Open a termina na promer lugar Jose (Chelo) Pesqueira. Chelo a score 4 punto for di 5 partido.

Segundo lugar a bay pa Octavio Croes cu 3 ½ punto for di 5 y tercer lugar pa e hoben di 16 aña Brian Diaz. Brian tambe a score 3 ½ punto for di 5, pero a hunga cu hungadornan cu a score menos punto.

Federacion di Ahedres Aruba kier a gradici Stichting Sportsubsidie Aruba (SSA) y Lotto pa Deporte pa nan aporte na e torneo di ahedres aki.

 

 

 

- Advertisement -

DUNA COMENTARIO

Please enter your comment!
Please enter your name here