Home Cultura Tony Mingo “T-Money” homenagea

Tony Mingo “T-Money” homenagea

77
0
SHARE
- Advertisement -

ORANJESTAD(AAN)—Durante e anochi final di Caiso & Socaq Monarch, Fundacion Musica a homenagea tambe Tony Mingo, “T-money” pa su aporte na musica y na festivalnan musical, calypso y soca di Aruba.

E foto ta mustra momento cu Sra. Edwina Werleman president di Musica ta entrega plaquette na Sr. Mingo.

Tony Mingo, popularmente conoci como T-Money, principalmente den temporada di carnaval tin un carera largo como cantante. El a forma parti di Boys Next door den su ultimo period di existencia y a pasa pa Eclyipse cu Rusry y Gario y despues cu Climax.

Cu Kevin James di NBO,Antoni Gario y Errol de Freitas, el a forma parti tambe di Tax to the max, cu a bira popular cu e exito (cu un period cortico a wordo prohibi na emisoranan) y cu a sigui despues normal cu presion di publico cu no a mira nada malo den dje.

T-money a logra exitonan grandi despues cu Le Groove cu cual agrupacion e ta te awe  y ademas a canta cu varios otro banda musical durante su carera di mas di 30 aña.

T-Money na varios ocasion tabata na punto pa gana corona di Road March y despues corona di Monarca di Soca, pero nunca a logra e exito aki, te cu e aña aki si el a gana porfin y bira Monarca di Soca cu “Sideliners” diadomingo madruga..

Su Fans a bira masha contento cu esaki, y por corda ainda cu e cancion conoci como “friends and family” pero cu mas bien ta titula “Only for Fans” a causa un furor grandi tanto na Aruba como den exterior. E cancion aki a perde di Lenga Afo di Mighty Talent.

Masha popular di d je a resulta tambe entre otro exitonan, “Stop the trailer” y no mag lubida “King of the road”.

Tony mingo, un personahe admira y stima pa hopi, masha humilde y masha respectable den su maenra di anda cu hende. Masha pabien na T-Money!

- Advertisement -

DUNA COMENTARIO

Please enter your comment!
Please enter your name here