Home Tempo Trahadornan di Meteo ta fada cu e maneho di nan director

Trahadornan di Meteo ta fada cu e maneho di nan director

281
0
SHARE
- Advertisement -

Segun Rene Bernabela:

ORANJESTAD  (AAN): Diamars DIARIO a entrevista presidente di TOPA Rene Bernabela, tocante e situacion cu tin na Meteo.

El a splica cu bao di personal di Meteo ta existi un malcontento pa loke ta maneho di e director Drs. Mark Oduber.

Segun Bernabela, TOPA a sinta cu departamento di recursonan humano, pa haya sa unda e problema ta sinta.

El a splica cu e problema tabata for di basta tempo, bao di Gobierno anterior, unda cu e minister di e tempo ey tabata Otmar Oduber, cu a wordo reemplaza pa Mike de Meza.

Sindicato TOPA a papia cu ambos mandatario y despues cu cos a bay un tiki bon na comienzo, na dado momento e kehonan di e trahadornan a cuminza drenta atrobe.

Actualmente e problemanan a bira di tal magnitud, cu esaki no por sigui wordo tolera.

Algun di e problemanan ta:

*Director di e departamento casi nunca ta tene reunion cu su personal, unda cu e ultimo reunion tabata na 2012.

*E Director di Meteo nunca a formula un asina yama plan pa personal pa e departamento.

*Falta di reconocimento di diploma.

*E director a instala camaranan den e lugar y esaki ta viola privacidad di e empleadonan.

*Abuso verbal di parti di e director.

*Bevordering di personal te ainda no ta cla.

*Salario y pensioen di e empleadonan no ta bon regla.

*E curso di ‘Forecaster’ no ta bon regla

*Toelage pa e asina yama trabao specialista, no ta wordo paga na  e trahadornan.

*Continue toelage tampoco a wordo paga.

Bernabela a bisa cu ta un falta di respet di parti di e director di Meteo, kende pa añanan largo no a percura pa regla tur esaki pa su empleadonan.

El a indica cu tin personal por ehempel cu a traha y tin cu haya alrededor di 600 ora di ‘Time Back’, pero no tin un indicacion con ta bay atende cu esaki.

Pesey Diamars mes TOPA a bay reuni cu minister Chris Romero, pa asina defini kico ta bay ta e futuro di Meteo.

- Advertisement -

DUNA COMENTARIO

Please enter your comment!
Please enter your name here