Home Deporte Tres huez di Artistic Swimming di Aruba a sigui seminario di FINA...

Tres huez di Artistic Swimming di Aruba a sigui seminario di FINA Judge na Republica Dominicana

41
0
SHARE
- Advertisement -

ORANJESTAD (AAN)-  E dianan 2 pa 4 di Februari ultimo, tres juez den e deporte di artistic swimming(antes yama landamento sincronisa) a biaha pa Republica Dominicana unda nan a sigui un seminario pa asina mantene nan status como un FINA Judge, esaki pa e federacion mundial di natacion.

Cada 4 aña tur FINA judge mester sigui un seminario y hasi examen pa asina mantene nan status como un hues pa FINA. Semper tin cambionan di regla etc. despues di un aña Olimpico y aki ta unda ta splica tur esakinan.

Cuater aña pasa Aruba a host e seminario aki lamentablemente e biaha aki mester a bai Santo Domingo. Pa Aruba a participa e hueznan Stella Leslie, Yvette Morales y Esther Hoevertsz.

Na e seminario aki a participa alrededor di 30 FINA huez, mientras e ta un obligacion debi cu tur huez di FINA mundialmente mester hasi esaki, e cantidad ta yega na 200 FINA huez. Mester bisa cu Stella Leslie y Esther Hoevertsz ta huez A cual ta esun mas halto mientras Yvette Moralesta un huez G.

Remarcabel ta cu Aruba tin mas huez G y nan tur lo mester hasi nan “scholing y examen” e aña aki ainda pa mantene nan status como FINA Judge.

Un danki sigur na Lotto, e Loteria di Aruba pa medio di Stichting Sportsubsidie Aruba cu a subsidia e biahe di e tres hueznan di Artistic Swimming di Aruba pa sigui e seminario di FINA Judge na Republica Dominicana.

- Advertisement -

DUNA COMENTARIO

Please enter your comment!
Please enter your name here