Home Turismo TUI a haci presentacion di nan barco “Mein Schiff” na nan partnernan...

TUI a haci presentacion di nan barco “Mein Schiff” na nan partnernan na Aruba

92
0
SHARE
- Advertisement -

TUI ta un socio importante pa Aruba, segun CEO di ATA

ORANJESTAD   (AAN):   Diaranzon mainta, prensa y invitadonan special tabata tin e oportunidad di ta riba e barco “Mein Schiff”, cual ta un barco crusero masha grandi mes. E bishita tabata un invitacion di e compania TUI pa asina e invitadonan por a conoce un poco mas di e operacionnan di TUI na Aruba y den e mercado di Europa.

TUI a haci un presentacion na nan partnernan y riba esaki, CEO di Aruba Tourism Authority (ATA), Sra. Ronella Croes, a bisa cu TUI ta un di e companianan global mas grandi pa loke ta trata viahenan y turismo. E compania ademas di funciona como un agencia di viahe, nan tin nan propio avion, hotel y otro servicionan cu nan ta ofrece.

Segun Croes, pa Aruba TUI ta un socio importante y ta yuda Aruba cu e desaroyo di e mercado hulandes, ingles y cu socionan cu ta opera den e mercado canades. E aña aki nan ta introduciendo vuelonan for di Brussels y e vuelonan aki lo ta combina vuelo pa Aruba y La Romana na Republica Dominicana.

E mercado europeo ta uno cu Aruba kier pa e sigui crece y esey ta parti di e planificacionnan. Den e planificacion tambe di TUI tin proyecta un crecimento di 6% den cantidad di asiento pa e temporada di winter cu ta na caminda (2018-2019), e CEO di ATA a indica.

- Advertisement -

DUNA COMENTARIO

Please enter your comment!
Please enter your name here