Home arte y espectaculo Ultimo siman pa inscribi na e workshop di animacion na Ateliers ’89

Ultimo siman pa inscribi na e workshop di animacion na Ateliers ’89

12
0
SHARE
- Advertisement -

ORANJESTAD   (AAN):  Asina aki ta presenta su artista pa e luna di Februari esta e simpatico cabayero Styrmir Orn Gudmundsson cu despues di 7 aña ta bin duna les un bes mas na Ateliers ’89.

Haci conoci cu Styrmir cu di es manera aki ta comparti su creacion:  Esaki ta e storia di Styrmir Orn Gudmundsson ken a nace den e pueblo hopi hopi leu di nort di Islandia na aña 1984.

Di mucha ya caba e tawata dibuha comikitas y ken por a pensa cu algun dia lo e laga su pais frui di Islandia pa bira un artista visual contemporaneo. Pero e tempo a yega cu e y su primo Arnar Asgeirsson, a bisti mane marinero, y jump riba un boto ci container cu nan omo Capitan Mummi a stur den direccion di Hulanda.

Asina a pasa cu tur dos e primonan a wordo admiti na e Academia di Gerrit Rietveld na Amsterdam Hulanda, y aki nan a studia pa varios aña pa asina bira artista y eventualmente maestronan di arte. “Mi ta kere den arte y mi ta kere cu e artistanan lo salba nos mundo. Pero den e ordo pa salba e mundo tur hende mester bira artista. Arte no ta un competencia unda un mester ta mihor cu e otro.

E beyeza di arte ta cu bo por crea algo cu no ta placa. Bo por crea ideanan, y tin biaha nan no lo ta di e great ey, pero at least bo no ta crea placa cu ta derocha otro placa cu ta crea junk cu ta daña nos mama  tera”.

Despues di nan estudio e dos primonan aki a escoge na propio rumbo. Arnar a move back pa Islandia y Styrmir a move mas pa este pa e pais Polonia. Te e dia di awe na a keda bon amigo y ta colaboradornan den arte y na aña 2011 a bin pa di prome biaha Aruba pa duna les hunto na Ateliers ’89 na Aruba. Na unda Styrmir a duna un workshop di comikitas y Arnar di pintura. E aña aki e ta regresa Aruba na e luna di Februari pa duna un workshop di e arte di animacion.

“E invierno aki tabata hopi frieu y smoggy pa mi. Mi lo no por spera pa regresa Caribe y traha riba e color di mi cuero y mira si e isla a cambia despues di shete aña”.

E arte mes di Styrmir ta varia entre dibuho, escultura, performance y mas recien musica di rap. Hopi bes Styrmir ta pone su mes de e rol di contado si storia cu ta pasa pa ta un exposicion di un bishitante den un mundo surealistico cu ta di drechi pa robes entre e elementonan rutinario y e absurdo. E tin un pasion pa e absurdo cu ta cambia y bira menos ora yega na ridicules, lo no esencial y straño, pero si cu un actitud cu ta bondadoso y cuidadoso, unda e ta cuida e absurdo, ta desaroya esaki y ta dune un lugar unda cu ta, unda e ta bira bo bisiña fastioso o bo mihor amigo.

“Un di mi motto nan di arte ta pa tene mi mes den un estado di no sa di kiko loke mi ta haci ta. Asina mi ta keda crea ideanan nobo y mi ta keda slip den formanan nobo di arte. Mi a sali di crea comikita pa traha escultura y contado di storia pa performance y musica di rap. Mi ta ansioso di sa loke mi lo haci den futuro cercano? Mi ta sinti un pasion nobo esta pa bira un tocado di  piano!”.

Desde su estudionan na Academia di Gerrit Rietveld, Styrmir a biaha bastante y a exhibi su trabou na diferente lugar y ocasion. El a hiba su obhetonan y performance na lugarnan manera e Centro Cultural di Vilnius, Kunstverein di Amsterdam, e museo di arte bibo di Reykjavik, Casa del Lago Ciudad di Mexico, Esey por ta e berdad na Bruselas Belgica y e pabeyon di Lituania na e 57 edicion di e bienal di Venecia, Italia. Den verano di 2018 Styrmir lo lansa su album nobo yama “Kico mi ta haci cu mi bida”.

Mi ta spera di por mira mas hopi cu ta posibel di boso den e workshop di animacion cu mi ta bai duna na Ateliers ’89. E salida di e workshop ta pa siña e basiconan di forma di arte di animacion y forma asina un club unda nos ta yuda y siña for di otro.

Den e klas nos lo traha como laborante di scol bieu di pintamento di arte di e movecion di imagen. E ora nos ta converti nos mes den e inventornan di grafico den movecion cu ayudo di apps di e mundo digital.

Finalmente lo nos kibra nos potloodnan den dos pa asina nos por expresa nos mes  cu nos curpa bibo den animacion cu baile y musica.

 

- Advertisement -

DUNA COMENTARIO

Please enter your comment!
Please enter your name here