Home Social Un famoso Colombiano bibando na New York lo ta dunando charla Diadomingo...

Un famoso Colombiano bibando na New York lo ta dunando charla Diadomingo awor na Aruba

114
1
SHARE
- Advertisement -

ORANJESTAD (AAN): “Tur anochi mi ta cambia hamber pa un sonrisa”, esaki ta loke Jorge Muñoz ta bisa, un Colombiano di Perreira cu ta biba na New York pa mas di 30 aña caba y cu ta parti cuminda na personanan pober y hopi cu ta biba riba caya den cayanan di Queens, New York.

E ta sali 7.00 di anochi cu cantidad di cuminda, mas di 150 boter di awa refresco y pan y ta cuminsa parti esaki na personan cu no tin ni sikiera luga di biba y cu hamber den New York, y ta yega cas back pa 11.15 pm y ta lanta 5.00 am pa cuminsa su dia, transporta muchanan cu un bus escolar.

Algun di e muchanan cu sa e misión cu Jorge Muñoz un persona amabel y carismático ta haci a conta nan mayornan y e mayornan ta yega te na su cas y ta hiba contribushon den forma di placa of cuminda mes.

Jorge Muñoz nunca a faya den mas di 10 aña cu e tin e misión aki.

E único biaha cu e no por a yega ta un anochi cu a cay hopi sneeuw y e no por a saca su pickup for di parkeerplaats e dia siguiente el a pasa bisanan cu e no por a sali, y loke realmente ta preocupa Jorge Muñoz ta pa wak hendenan pasa un dia sin come. Y ta lamenta tanto cuminda cuta ser benta afo.

Cu tur e cuminda cu ta ser benta afo na Merca den un fin di siman bo por alimenta mas di 4 miyon hende.

Jorge ta biba na Merca for di mas di 35 aña cu su mama Blanca Doris Zapata, su ruman muhe Luz Helena y su sobrino Justin cu tambe ta yuda parti cuminda.

“Mu mama cu mi ruman ta prepara tur e cuminda riba stoof y den 2 forno y henter siman ta vairia e cuminda cu tempo a haya 2 persona mas cu ta yudanan, for di 1 pm te 4 pm, pa asina 7.00 pm mi sali pati e cuminda. Cu tempo e noble storia di Jorge Muñoz a bira conoce y di 4 Augustus 2010 el a ricibi for di President Barrack Obama un condecorashon na Casa Blanca, e medalla “Citizens Medal”.

President Obama a bisa Jorge cu e ta sorporendi y honra cu su tarea humanitario y ta considere un persona ejemplar.

Na momento cu e noticia a bira conoci rond mundo el a cuminsa haya e-mails y contribushon y te hasta un mucha di 8 aña a manda $25.00 di venta di bolo di chuculati.

Ela ser escogi pa e cadena di noticia CNN den e 10 finalista pa e titulo di Heroe di 2009.

E titulo di Angel di Queens a ser duna na dje door di un periodista cu a admira su trabao, su propio comentario ta cu e e angelnan ta den shelo y cu cada ser humana por ripiti e actonan aki cu un of dos persona, bo no meste di hopi pa por coopera
Jorge Muñoz lo ta na Aruba dia 25 di Februari y lo duna un charla na Colonia Colombiano pa caminda por siña di mas trabonan cu ta ser realiza door di e fundashon MIRA na Colombia y con esaki ta beneficia ser nan cu di verdad tin mester di yudansa .

- Advertisement -

1 COMMENT

  1. Es una persona jemplar …….para la comunidad lo que nosotros como siudadanos queremos para nuestros beneficios, igual para los frutos de nuestros hijos tengamos una convivencia en nuestro pais ,y ser unidos y respetable en las acciones comunitarias como seres humanos, tener un con vivir como debe ser y encontrar la paz q hemos siempre deseado, como un buen siudadano y obtener la combicion de andar libre sin temor en nuestro paiz.De ser respaldado teniendo una integridad con nosotros mismo, logrando la toleransia y el respeto como ciudadanos esto lo lograremos con un buen consejal honesto y responsable como lo es esta persona llamada el señor jorge muños como consejal de nuestro pais

DUNA COMENTARIO

Please enter your comment!
Please enter your name here