Home Salud Vacuna contra virus di HPV ta uno safe y efectivo

Vacuna contra virus di HPV ta uno safe y efectivo

17
0
SHARE
- Advertisement -

Dr. Jan Hubert: ta preveni cancer na boca di matriz

ORANJESTAD   (AAN): E topico di cancer na boca di matriz ta un tema hopi importante. Dr. Jan Hubert, kende ta traha den Departamento di Salud Publico, den e area di salud hubenil, a splica cu su trabao mas tanto ta riba prevencion. E ta traha cu hobennan pa preveni e malesanan aki cerca nan.

Na 2014 a introduci e vacuna cu ta proteha e muchanan contra e virus HPV cu por causa cancer di boca na matriz den futuro. Asina ta cu tur mucha muhe na Aruba tin e opcion, tin e oportunidad pa ora nan yega den 6de klas di scol basico, pa nan haya e vacuna aki.

A cuminsa na 2014, esta cu nan tin 4 aña andando. Un 50% di e mucha muhernan kier pa ta vacuna, ta vacuna, cu eigenlijk no ta un porcentahe hopi halto, pasobra e vacuna aki hopi hende ta tende storia riba dje, cu e vacuna por ta peligroso pa nan yiu of ta haci daño na e salud di nan yiu, cu logicamente nunca ta e intension di un vacuna pa haci daño na salud.

Pero tin storia ta papia di muchanan cu por haya paralisis, nan por bira malo, nan por haya cu nan no por haya nan yiunan mas despues y tin asina hopi cos cu ta wordo bisa, cu no tin mucho base pa papia cosnan asina.

Mayornan claramente ta preocupa pa nan yiu y kier lo miho pa nan. Esey ta locual cu DVG tambe kier pa e muchanan, tin nan proteccion contra e malesa aki tambe. Por bisa den tur e añanan cu ta vacunando, no a haya ningun efecto secundario serio riba e vacuna.

Mas tanto cu ta mira di tur vacuna, cu nan por haya dolor na e brasa, por haya dolor di cabes. Cosnan asina ta pasa temporalmente. Pero otro efectonan no ta wak aki na Aruba. E vacuna ta hopi safe y e ta hopi efectivo, pasobra tin paisnan cu ta vacunando pa mas aña y ya caba ta mira den e paisnan ey, e cantidad di hende cu tin un estadium preliminar di cancer, un cancer cu por crece den aña, ya caba ta duna indicacion cu tin reduccion den e casonan aki.

E vacuna ta efectivo y ta preveni cancer na boca di matriz. Dr. Hubert ta suplica tur mayor pa ora cu haya carta, pasobra ta manda carta via scol, pa e mayornan haya informacion y duna permiso pa vacuna e mucha muhernan.

 

- Advertisement -

DUNA COMENTARIO

Please enter your comment!
Please enter your name here