Home Salud Veronica Vermeulen-Hughes di Hospital ta prome empleado di luna pa 2018

Veronica Vermeulen-Hughes di Hospital ta prome empleado di luna pa 2018

54
0
SHARE
- Advertisement -

Momento inolvidabel pa Departamento di mucha

ORANJESTAD (AAN): Hospital recientemente a saca nan prome empleado di luna di aña 2018. Enfermeronan y otro colega a nomina e hefe di Departamento di Mucha, esta Veronica Vermeulen-Hughes, pa bira e prome empleado di luna p’e aña aki. Pa Hospital e momento aki tabata uno hopi bunita ya cu no ta tur ora un manager ta worde nomina y alavez ta logra bira empleado di luna.

Veronica a keda sorprendi na momento cu el a haya sa cu e lo ta e empleado di luna di januari. Tur nurse di departamento di mucha a describi Veronica den algun palabra hopi nificante esta un persona hopi lief, amabel, ehemplar, yena cu pasion pa su trabao y hopi mas. Director di Cuido di Hospital sr. Ezzard Cilié a duna di conoce cu e hefe di Departamento di Mucha ta un manager ehemplar y a demostra esaki pa hopi aña caba.

“Mi no a sper’e pero mi ta hopi agradecido cu nan a scoge ami pa ta e empleado di luna”, asina e hefe a duna di conoce. Veronica ta trahando den Departamento di Mucha pa 22 aña y e stima su trabao. E motibo ta cu e ta gusta traha cu mucha, pasobra un mucha ta inocente. “Ami ta sinti mi mes responsabel pa nan, mescos cu un mama cu ta sinti responsabel pa nan.”, asina el a duna di conoce. Ora cu e mama no t’ey, e nursenan ta haci e trabao di e mama.

E parti cu e ta stima hopi di su trabao ta ora di mira un mucha ta drenta asina malo, anto den un tempo corto e ta bira bon y e por bay cas back bon di salud. Esey ta duna e nursenan felicidad, pero tin biaha tin casonan cu no ta bay manera nan kier y e ta duna nan hopi dolor. “no tur ora cos ta bay manera nos kier pero e mayoria di casonan e mucha ta regresa su cas sano atrobe, y esey ta duna bo e gana pa semper keda den e trabao aki”, asina el a duna di conoce.

Veronica semper ta pensa riba e motibo tras di su trabao: e pashent y su famia. Esaki e ta pone central den loke ta su pensamento y na momento di tuma accion na trabao. E ta involucra su coleganan y semper ta keda amabel. E ta atento y ta pensa hunto cu nan con pa sigui bay dilanti y yuda cu desaroyonan pa mehora cuido. Veronica ta keda critico na un manera profesional y ta coopera cu coleganan den henter HOH. E tin hopi conocemento riba tereno di enfermeria y den liderazgo, compartiendo esaki tambe cu gusto pa asina tur por probecha di esaki

Veronica tin un ‘drive’ y pasion inmenso pa su trabao y p’esey merece e reconocimento aki. Masha pabien cu e reconocimento bunita aki.

 

- Advertisement -

DUNA COMENTARIO

Please enter your comment!
Please enter your name here