Home Hudicial Via di ciencia a bin confirma cu Jairo Chalgut ta e sospechoso...

Via di ciencia a bin confirma cu Jairo Chalgut ta e sospechoso principal

130
0
SHARE
- Advertisement -

ORANJESTAD (AAN): Ora cu e asesinato a socede riba e deportista Sarahi Sierra aña pasa, autoridad forensico di BFTO na Aruba, a haci un analisis masha cauteloso, riguroso, y completo na e escena di crimen.

Esaki ta e motibo, con bin cu awor danki na ciencia a bin haya sa kende ta e sospechoso principal.

Ministerio Publico durante un conferencia di prensa, a bin mustra den e direccion aki.

Procurador General Alexander van Dam a papia di e detención di e sospechoso Jairo Chalgut den loke ta wordo yama “Caso Fist”, cu ta e asesinato cruel di e mucha muhe Sarahi Sierra na de Vuyst riba 3 di november, 2017.

Apesar cu tin detencion di un persona, PG a bisa ciudadanonan cu cualkier persona cu por tin informacion di e dia aki, di auto cu nan a mira pasa, personanan canando, ainda nan por suministra Cuerpo Policial cu e informacion aki.

E siman aki a bira conoci cu e sospechoso a wordo deteni, y awor numa autoridad hudicial ta bay cuminsa na interogacion di dje.  Nan lo bay confronte cu tur material confisca durante e investigacion.

Esey ta e motibo tambe cu te ainda no por bisa kico lo bay bira e acusacion contra esun cu finalmente lo worde hiba dilanti Huez den Corte.

E ta depende no solamente di e crimen y con el a worde cometi, pero tambe kico e sospechoso ta bay declara aworaki na Recherchenan y Hues Comisario. Den e interogacion ta bay bini dilanti cu di tur material di prueba recogi na e lugar.  Esakinan a wordo manda pa Instituto Forense na Hulanda.

Den laboratorio, a bin a haya e profil di DNA di e sospechoso aki.  Esey ta loke a recoge na e lugar.

Ora cu Hulanda a manda e datonan aki bek pa e isla, a bin nota cu e resultadonan ta cuadra cu e DNA profil di e homber di 46 aña cu a worde deteni diaranson atardi.

Ta parce cu DNA a worde duna boluntariamente den e caso aki door di e sospechosonan.

No por duna un informacion di tur loke a worde haya na e lugar, pasobra e sospechoso e ora lo por bay duna un splicacion di pakico algo di dje tabata eynan of no. Pesey tambe a cera den isolacion, pa e no tin ningun contacto.

E detencion di e sospechoso aki a bini diaranson den oranan di atardi y el a bini di sorpresa pasobra e persona deteni ta un conoci di famia.  E tabata hasta presente na entiero di Sarahi.

 

- Advertisement -

DUNA COMENTARIO

Please enter your comment!
Please enter your name here