Home arte y espectaculo Workshopnan interesante y creativo na Cosecha den luna di februari

Workshopnan interesante y creativo na Cosecha den luna di februari

10
0
SHARE
- Advertisement -

ORANJESTAD   (AAN):  Cosecha ta ofrece tres workshops creativo pa publico e luna aki di februari. Esakinan ta wordo organisa conhuntamente cu artesanonan local y nan ta tuma lugar den Cosecha su Creative Center na San Nicolas.

Diabierna 23 di februari ta tuma lugar e Weaving Craft Workshop di e artesana Jess Wolff. Jess lo sinja e participante tecnica basico di un craft cu tin varios posibilidad pa crea piesanan. E workshop aki ta consisti di dos les, dia 23 di februari y dia 2 di maart. E horario di e workshop aki ta di 05.00 pm-07.00 pm y e edad pa participa ta 12 aña bai ariba.

Diasabra 24 di februari e artesana Natalia Koolman ta den Cosecha cu dos workshops. Mainta di 11.00 am – 01.00 pm participantenan ta cuminsa les cu pinta un mandala design riba un pida kwihi. Despues lo traha cu e pida kwihi y cabuya un ornamento pa colga. Edad pa por participa ta 10 aña bai ariba.

Diasabra 24 di februari, pa parti merdia, di 02.00 pm-04.00 pm, ta bai tin un workshop di Mandala canvas painting. E artesana Natalia lo prepara pa e workshop aki e canvas di e participante segun e estilo “liquid pouring”. Durante e workshop, e lo duna un demostracion tambe di esaki. Riba e background colorido, e participante lo crea un Mandala bou di guia di Natalia. E edad pa por participa ta 18 aña bai ariba.

Inscripcion ta tuma lugar na Cosecha San Nicolas of na Cosecha Oranjestad. Pa mas informacion pa cu Cosecha, por bishita e Facebook page di Cosecha: www.facebook.com/Aruba-Cosecha.

 

 

- Advertisement -

DUNA COMENTARIO

Please enter your comment!
Please enter your name here