Home Social A lanta un asociacion di Psicologo y Ortopedagogo

A lanta un asociacion di Psicologo y Ortopedagogo

15
0
SHARE
- Advertisement -

ORANJESTAD  (AAN):   Asociacion Arubano di Psicologo & Ortopedagogo (AAPO) kier informa pueblo di Aruba y specialmente e comunidad di psicologo y ortopedagogo cu AAPO ta activo y ta acepta miembrecia.

AAPO a wordo funda den transcurso di aña 2016, su directiva ta consisti di sra. Rosanna van Dijk (presidente), sra. Indira Falconi (tesorero), sra. Darrelyn Maduro (secretaris), sra. Janis Schoppema (miembro di directiva) y sra. Gyseth Nüesch (miembro di directiva).

Tur miembro di directiva ta psicologo of ortopedagogo cu experencia den sector laboral na Aruba. Hunto cu varios colega den e sciencia di psicologia y ortopedagogia na Aruba nos a traha den e ultimo periodo riba e vision y mision di AAPO.

Nan vision ta pa yuda tur psicologo y ortopedagogo eherce nan profesion na un manera responsabel, nos ta brinda sosten na e profesional pa asina e sinti su mes reforsa. Tambe ta salvaguardia e interes di miembro di AAPO riba e area cientifico, economico y social.

Pa nan miembronan nos kier crea un plataforma social caminda por yega facil den contacto cu otro profesional y asina intercambia di informacion cu otro. Tambe  a crea un codigo laboral pa psicologo y ortopedagogo na Aruba, cu e meta pa aumenta e atencion y interes pa e etica di labor cerca nan miembronan.

Den un futuro cercano lo trata pa crea e posibilidad pa aumenta e conocemiento di materia y fortalece e contacto entre e miembronan di AAPO.

Si ta desea mas informacion y of si ta desea di inscribi como miembro por tuma libremente contacto cu nan via e-mail : aapo2015@gmail.com.

 

- Advertisement -

DUNA COMENTARIO

Please enter your comment!
Please enter your name here