Home Enseñanza Ainda SIMAR no tin su standpunt relaciona cu e tema di independisacion

Ainda SIMAR no tin su standpunt relaciona cu e tema di independisacion

53
0
SHARE
- Advertisement -

Sheila Tromp-Lazo:

ORANJESTAD  (AAN): Na SIMAR tabata tin un otro reunion hopi pober relaciona cu e tema di independisacion di DPS.

Durante e reunion aki diferente punto a wordo treci dilanti. Aki Sheila Tromp-Lazo presidente di SIMAR a splica ki tur ta e situacion. Aunke minister a haci un anuncio a sigui toch cu e reunion. Nan  tabata tin poco miembro presente pero a discuti hunto. Tabata un reunion fructifero. E reunion aki tabata pa informa di e ultimo cambionan cu tin y tambe scucha kico ta nan posicion cu esaki.

Tabata tin un reunion tiki diferente, door cu no tabata tin hopi miembro presente. A combersa hunto y scucha preocupacionnan. Tabata un reunion fructifero pasobra a sinti cu tur hende por a trece nan preocupacion dilanti riba diferente otro topico. A papia tambe cu miembronan di EPI, mirando e cambio cu kisas lo yega pa nan. A trece informacion pa nan. Awor aki ta sigui cu e reunionnan structural cu minister pa wak con ta bay sigui cu e proyecto aki, of e plannan cu minister tin.

Segun Tromp-Lazo, mirando cu e minister a bin cu e noticia cu lo pone e plan aki on hold, den veld ta bezig cu rapport riba esaki. Hopi scol ta bezig cu reunion y ta pensa tambe cu tabata tin mas trankilidad awor aki na un momento cu no tabata tin, manera esun cu a pasa, un momento di sensacion caminda cu hopi hende a bin.

Si a haya feedback di miembronan cu nan tin of otro reunion pendiente, y pesey nan no por tabata presente.

E presidente di SIMAR a splica cu manera cu tabata tin un cuminsamento, no por tuma decision riba algo cu ta hopi prematuro ainda. E ta un idea, kisas un deseo cu e minister tin, pero cu no por tuma un decision, mirando con esaki lo ta hinca den otro, kico e lo kiermen pa veld y minister a tuma su momento e ora pa pasa na diferente scol, na diferente directiva pa splica kico esaki lo kiermen pa nan.

SIMAR tabata tin reunion ultimo cu e minister, unda cu el a anuncia un biaha mas su posicion pa esaki, unda cu e ta pone on hold. SIMAR tambe a trece dilanti preocupacion di e miembronan. A bis’e en principio cu ta e miho decision cu e por a tuma. Na prome instante mes cu el a sali, SIMAR a indica cu esey no tabata e miho forma cu el a haci esaki. Esaki a causa cu tabata tin consternacion den veld.

Awor aki por sinti cu mayoria di hende a haya e informacion. Esey no ta nifica tampoco cu tur hende ta di acuerdo of no. SIMAR ainda no tin su standpunt, pero a bisa minister si.

Mirando awor aki cu el a propone di cuminsa cu EPI, door cu e managernan a indica cu nan lo ta desea un stichting, tambe a bis’e cu SIMAR kier mira e ora kico esaki lo kiermen. Atrobe cu mester bin na e veld como ultimo pa dicidi si esaki ta algo pa nan por carga.

Pa SIMAR tabata sorpresa ora di tende durante reunion, cu e managernan di EPI cu nan ta bay di acuerdo. Durante reunion cu SIMAR, tin di compronde tambe cu tin un carta a sali pa minister, unda cu ta indica cu e managernan ta dispuesto pa bay den esaki. Ta algo nobo pa SIMAR. Si a bisa cu e ora kier sa mas di esaki.

Kier copia di e carta pa mira e ora con SIMAR tambe ta bay cuminsa cana. Si ta algo di berdad cu e managernan a indica cu nan lo ta dispuesto pa cuminsa cu esaki, e ora si ta bay e parti cu tin cu sinta cu nan y tin cu wak kico ta miho pa nan y kico no. Na e momentonan aki, tin cu bisa cu ta durante reunion a compronde esaki di parti di e managernan, no ta algo cu a yega SIMAR prome.

E minister mes a indica, mirando tur e mal informacionnan cu tin rond, e preocupacion grandi cu tin cerca e cuerpo di docente mes, e consternacionnan cu tin rond, a haci cu el a para un rato y e mes a indica cu e forma cu el a sali, no tabata e miho forma. Awor aki e ta bay traha riba loke e kier presenta dilanti, naturalmente hunto cu SIMAR y SEPPA tambe. Lo mester bin un comision pa bay wak con ta bay traha cu esaki. Pero esaki lo bay tende for di e minister tambe.

SIMAR a trece dilanti tambe loke ta e restructuracion di salario, cu en principio mester a pasa den e periodo di 2017. Minister a indica cu esaki ta bay pa 2019, algo cu SIMAR no a para su tras. Esaki ta algo cu ta bay trece dilanti y ta yama tambe, mirando cu SIMAR ta voz di su miembronan y ta pidi nan pa ta mas activo den esaki y trece nan preocupacion of studia e documento manera cu e mester ta, pa ora cu tuma un decision on ta algo cu ta bisa cu ta bestuur so a tum’e, pero cu veld ta carg’e.

Tin diferente otro punto a trece dilanti. Tin un lista di accion cu cada biaha ta evalua ora di reunion. Ta bay wak kico a propgresa, kico no. Esaki ta riba e parti di e reunion structural cu tin cu minister, cu te na e momentonan aki ta canando y cada partido ta mantene nan mes na e acuerdonan cu tin na e reunion.

E sorpresanan ta bin ta con e cosnan ta wordo treci dilanti y den esaki a bisa sorpresa tabata mas cu mester a scucha, cu toch e managernan di EPI den e caso aki, lo a indica, pasobra esey tampoco a compronde di e managernan, pero nan lo a indica cu nan lo ta di acuerdo.

A bisa e minister tambe cu a pidi na e prome reunion pa ta e partner igual den combersacion, pa tene cuenta cu esaki y kisas informa e sindicatonan den e caso aki, pa scucha un otro punto di bista, en bes di di biaha bay den veld cu por trece e ora incertidumbre.

 

- Advertisement -

DUNA COMENTARIO

Please enter your comment!
Please enter your name here