Home Gobierno Aruba pa 2017 y 2018 lo no por cumpli cu normanan di...

Aruba pa 2017 y 2018 lo no por cumpli cu normanan di LAFT

258
0
SHARE
- Advertisement -

Hulanda por bay duna Aanwijzing

ORANJESTAD (AAN): Realidad di e situacion di Aruba ta birando mihor conoci pa expertonan, y e ta nada bunita!  For di fuentenan bon na altura, DIARIO a haya informacion riba Diamars, cu e cifranan financiero di Aruba ta kedando cla y nan no ta bunita.

E deficit di aña 2017 ya a sobrepasa 150 miyon Florin!  Pa colmo, pa 2018 ta ser specula cu e lo ta riba 250 miyon.

Esaki ya caba ta hinca gobernacion actual den problemanan financiero hopi serio.

Recientemente den un programa di entrevista, e Ministro di Finanzas di Aruba a duna cierto indicacion cu e situacion ta asina serio cu lo mester bay evalua pa genera mas entrada cu urgencia pa gobierno.

Den e proximo simannan lo bay tende mas ora cu tratamento di presupuesto lo cuminsa.  DIARIO a compronde cu e situacion ta realmente complica y serio ya cu e debe di Aruba tambe a aumenta drasticamente combina cu e interes.

Esaki ta haci cu Aruba su opcionnan ta bira minimo pa negosha cualkier otro prestamo nobo, si acaso no tuma medidanan drastico pa genera entrada.

Riba Diamars a tende cu Serlimar tambe a keda sin paga su debenan na AZV y SVb, pues e demas sorpresanan na caminda lo no ta agradable.

A lo menos awe pueblo a lanta cu e alivio miniatura, cu prijs di gasolin a baha cu 1 cent.

- Advertisement -

DUNA COMENTARIO

Please enter your comment!
Please enter your name here