Home Salud Aruba tin un cifra haltisimo di malesanan di riñon

Aruba tin un cifra haltisimo di malesanan di riñon

14
0
SHARE
- Advertisement -

ORANJESTAD(AAN): Dokter Zaheeb Choudhry, internista-nefrologo/klinisch immunologo, tabata presente durante e encuentro na DVG, pa toca e tema di siman na Salubridad Publico.

E mes tin un aña na Aruba eherciendo su profesion. Loke ta importante ta dia 8 di Maart ta Dia Mundial di Riñon y kier pidi e atencion riba riñon y malesanan di riñon. E biaha aki specificamente pa hende muhe y malesanan di riñon. El a splica cu na Aruba tin un trend preocupante. Por mira cu daño y problema di riñon, ta extremadamente halto.

Si mira e populacion na Aruba, Aruba tin un di e cifranan mas halto di sobrepeso, presion halto y malesanan di riñon y esaki ta creciendo barbaramente. Y tin preocupacion alarmante unda cu por mira pashentnan den dialyse. Pa averahe, ta mira un pashent nobo pa siman cu mester cuminsa cu dialyse. Esey naturalmente ta hopi serio.

Si nos cuminsa cu e niernan como introduccion, e riñonnan ta organonan cu ta necesario pa haci e sanger limpi di sushi y tambe saca e vocht cu bo no tin mester. Si bo no tin e organonan ey mas, e ora bo por haya varios keho. Ora cu e sushi ta acumula, bo por sinti cansancio, rosea cortico, grawatashi, bo no tin apetit, pianan ta hincha. Bo ta acumula vocht y sushi y bo no ta sinti bo bon. Ta kehonan cu bo por haya si bo riñonnan no ta funciona bon. Loke ta importante, pa mantene e riñonnan sano, ta pa hiba un bida saludabel.

E causa di malesanan di riñon ta presion halto, sucu y sobrepeso. Esey ta causanan cu mas tanto ta worde haya na Aruba. Loke ta worde lubida hopi biaha, ta efectonan secundario di remedi, por ehempel pildonan pa dolor, iboprofen, diclofanac, aleeve, naproxen, e remedinan ey tambe por causa daño na e riñonnan, combina cu remedinan di presion halto.

Ora cu bo tin presion halto y bo ta uza por ehempel remedi pa presion halto y bo ta tuma un pildo pa dolor, bo riñonnan por bay atras. A cuminsa cu un proyecto hunto cu boticanan, cu hendenan por cumpra remedinan riba shelf, pa crea un concientisacion, contando esaki pa hende homber y hende muhe y nos ta lubida esey.

Ta mira hopi biaha pashentnan den dialyse, cu tin un combinacion di presion halto y uzo di remedinan pa calma dolor.

Causanan:

Ta importante pa haya e causa for di un comienso di e daño na nier. Por ehempel ora tin presion halto mester trata e presion halto bon. Pero e ta semper un teamwork di dokter y pashent. Por duna remedi, pero ora e peso no ta baha, e remedinan no ta traha. E ta semper hunto. Dokter y pashent. Ora nos no ta traha hunto, e remedinan no ta traha. Si bo tin sobrepeso, e ora e remedinan no ta traha manera mester ta. Ora bo peso ta traha, e remedinan ta baha tambe. Mescos cu sucu. Ora bo peso baha, e sucu ta baha tambe, bo no mester hopi insulina, e cantidad di insulina ta baha tambe.

Ta hopi importante pa damanan, pa concentra riba un estilo di bida. Por ehempel comemento saludabel, come varia, no mucho junkfood, no hopi refresco. Na un momento cu por drecha esaki, yamando esaki primaire preventie, E ora por evita cu por haya daño na riñon. E ora nos mester traha tempran cu esey.

E dokter ta pensa cu so bo ta biba na Aruba y bo edad ta mas bieu cu 35, ta bale la pena pa bay un biaha na dokter di cas, midi colesterol, sucu, riñon y presion. Si bo ta hoben, bo por evita pa haya problemanan manera atake di curason, stroke y tambe daño na riñon. E riñonnan ta un di e organonan cu por worde afecta pa e malesanan aki cu ya nos a menciona, pero esey tambe ta conta pa e venanan di e celebro y tambe pa curason. Pesey ta importante pa tempran tuma e precaucionnan necesario y descubri, pa asina un biaha laga midi bo signonan vital, pa asina interveni tempran, manera baha peso, sport, come saludabel. Si tin problema, soluciona esaki cu dokter. Trabao di un dokter ta pa duna remedi cu ta corecto y pa nan traha. Bisando esaki, si e riñonnan no ta traha bon, nan ta cuminsa faya.

 

- Advertisement -

DUNA COMENTARIO

Please enter your comment!
Please enter your name here