Home Social Aruba Youth Impact cu bunita gesto pa cu nos grandinan

Aruba Youth Impact cu bunita gesto pa cu nos grandinan

13
0
SHARE
- Advertisement -

Riba dia di Amor y Amistad

ORANJESTAD   (AAN):  Riba Dia di Amor y Amistad (Valentine’s Day), hobennan di Aruba Youth Impact! a pasa Cas di Cuido, San Nicolas pa parti un cariño chikito cu nos grandinan.

E hobennan a prepara bolo di lamunchi, a hinca e bolonan den saconan dorna na colornan di Valentine’s Day y a pasa parti esaki na e hende grandinan bibando den Cas di Cuido.

A combersa un rato cu e grandinan cu tabata sinta pafo y tambe esnan den nan camber. E hobennan ta recorda comunidad pa nunca lubida riba nos grandinan – nan a contribui grandemente na nos pais. Cu nan ta den un cas di anciano no kiermen cu no mester lubida di pasa rato cerca nan.

Aruba Youth Impact ta un plataforma di hoben pa hoben unda e meta ta pa involucra hobennan pa bira miembronan activo den nan comunidad door di tuma accion: ‘brain storm’, comparti idea, identifica retonan den comunidad y traha activamente pa trece cambionan cu nan kier mira den nan comunidad.

Aruba Youth Impact tambe ta enfoca riba traha riba realisa e ‘Sustainable Development Goals’ (SDG) aki na Aruba, como cu hobennan tambe tin un rol importante den realisa e metanan di desaroyo sostenibel.

Aruba Youth Impact tin mas proyecto pa realisa y ta invita hobennan pa join nan. Unidad ta hasi forsa, y hunto hobennan por haci un impacto grandi den nan comunidad.

Pa mas informacion y pa sigui nos hobennan di Aruba Youth Impact, ‘like’ nan Facebook Page @Aruba Youth Impact of por tuma contacto cu nan na arubayouthimpact@gmail.com

- Advertisement -

DUNA COMENTARIO

Please enter your comment!
Please enter your name here