Home General Baki yen di hangua usa a wordo haya cerca di Coney Island

Baki yen di hangua usa a wordo haya cerca di Coney Island

244
0
SHARE
- Advertisement -

ORANJESTAD (AAN): Con por ta?  Con esaki por socede?  Imaginabo si ta mucha chikito a haya esaki benta abao, kico lo a pasa.

Mira e potret aki, con personal di un compania priva encarga pa recoge sushi, di loke nan a  topa cune Diamars.

E compania den su historia a yega di topa tur tipo di sushi benta riba caya, of na beach.  Pero esun aki ta algo cu ta alarmante, y alavez inaceptable!  Ta trata aki di desperdicio cu ta cay bao di categoria di “hazardous materials”.

Nan a bin haya un baki cu tabata yen-yen di hangua usa, y tambe boternan di laboratorio, potchinan cu urina aden, y ainda cu nomber y fam di pashient, fecha di nacemento, etc., poni riba dje.

Un peligro grandi pa salubridad publico, si acaso cualkier hende a haya esaki y bay experimenta y hinca nan mes accidentalmente cu e hanguanan.

Nan a haya e baki aki pafor di entrada di Aruba Harbour Arena, esta abao den cercania di e porta grandi pafor caminda bo ta drenta pa bay Coney Island su entrada.  Cerca di e rotonde.

Ademas di e hangua y e boternan cu ta pone sanger aden, por a mira diferente catuna.

DIARIO a compronde, cu supervisor di e compania di limpieza corectamente a notifica Salubridad Publico riba e hayazgo aki.  Pero te cu Diamars atardi 4:00 pm, ningun hende di Salubridad Publico a show up pa busca e baki aki.  Un suplica ta bay na Ministro di Salubridad Publico, pa por fabor pidi su hendenan pa cuminza actua den e caso aki.

E Laboratorio tin di responsabiliza su mes e ora, y mehora su sistema di deshaci di productonan cu ta “bio-hazard” tambe.  Kizas den e rotonde, e baki a djis sali cay di un pickup, y un hende (kizas turista) a recoge y pone mas banda di acera.  Spera cu no ta un turista cu ya caba a post riba su Facebook, potret di loke bo por haya riba caya na Aruba.

E speranza tey cu awe Diaranzon, cu autoridad hudicial, y esnan den Salubridad Publico lo pasa busca e baki aki ainda, pa cuminza investiga esaki.  Pasobra ta facil pa trace e nombernan riba cada hangua, y haya sa ta cual laboratorio a comete e pifia aki.

 

- Advertisement -

DUNA COMENTARIO

Please enter your comment!
Please enter your name here