Home Parlamento Ban celebra hunto y cu orguyo e siman di Dia di Himno...

Ban celebra hunto y cu orguyo e siman di Dia di Himno y Bandera

34
0
SHARE
- Advertisement -

Parlamentario Endy Croes di fraccion di MEP:

ORANJESTAD (AAN) – Den conferencia di prensa di fraccion di MEP, dialuna mainta, Parlamentario Endy Croes a hiba palabra.

E tambe a cuminza pa felicita Gobierno y tur participante den e Conferencia riba Dia Internacional di Hende Muher “Briya den bo zapato y cana pa progreso”.

El a destaca e presentacion teni pa sra. Maite Delgado y tambe pa ex-Prome Minister di Antiyas sra. Maria Liberia Peters. Ambos a duna un tremendo presentacion hopi motivante. Ademas el a referi na e panelnan interesante, un di nan Hende Muher den Politica, cu participacion di Prome Minister sra. Evelyn Wever-Croes, Lider di Fraccion di POR sra. Marisol Lopez-Tromp y Parlamentario di fraccion di AVP sra. Jennifer Reyes. Tres dama politico cu a participa den e panel.

Otro actividad cu el a menciona cu tambe a tuma lugar Diahuebs 8 di Maart, cu hopi exito ta esun organiza pa Forza Femenino di MEP, cu tambe e parlamentario a elogia y felicita.

Tambe el a felicita e comision organizador, Minister di Cultura, y tur participante, muy specialmente sr. Harry Croes cu ta e motor di e festival “Un Canto pa nos Himno Bandera” sin keda sin menciona e ganadornan.

Esaki ta inculca animo den e ambiente di e siman cu ta bin cu nos lo celebra nos Dia Nacional Himno y Bandera, Diadomingo venidero. El a pidi henter nos pueblo pa saca nan bandera, pone den auto, bisti bo flanel y pechi, durante e siman aki.

El a invita pueblo pa presencia e manifestacion cultural di Diasabra anochi riba Plaza Betico, y Diadomingo pa asisti na e acto protocolar mainta, y asina nos sinti orguyoso di ta parti di e pida baranca aki, aportando na nos cultura y hunto haci di e siman aki uno grandi y festivo.

- Advertisement -

DUNA COMENTARIO

Please enter your comment!
Please enter your name here