Home Economia Best in Business Award Aruba 2018!

Best in Business Award Aruba 2018!

15
0
SHARE
- Advertisement -

ORANJESTAD(AAN): Debi na e desaroyo economico na Aruba, e empresanan ta obliga di keda constantemente den cambio. Esaki ta trece retonan continuo cual ta parti di hasi negoshi.

E Guardian Group Fatum Best in Business Award Aruba ta reconoce empresanan cu ta capaz pa actua contra tur reto poniendo tur pasion pa alcansa excelencia, keda cu impulso pa innova y sigui traha duro pa e empresa crece y bira exitoso.

E aña aki pa di dos biaha, Guardian Group Fatum lo otorga e premio di Best in Business Award Aruba 2018! Tur empresario/compania cu ta contribuyendo na e desaroyo economico di Aruba den un of otro forma ta wordo invita pa participa/registra na e Guardian Group Fatum Best in Business Award Aruba 2018.

E mihor empresa/compania na Aruba ta gana un pakete atractivo di premio, 10.000 florin cash y mucho mas. Pero e mas importante ta: e reconocemento di tur su clientenan y un carga di “publicidad gratuito”. Con bo ta registra? fácil! y ta costa solamente 5 minuut di bo tempo. Bishita www.myguardiangroup.com y completa e formulario on line.

E fecha di deadline pa registra ta diadomingo 6 di Mei 2018. E cuestionario ta consisti di 15 pregunta y e ta na Ingles. E empresanan cu participa lo wordo evalua door di D & I Business Support Services a base di e modelo di Excelencia Empresarial, di acuerdo conforme e calidad di EFQM cu ta European Foundation for Quality Management.

E 5 empresanan/companianan cu ta den e fase di mayor crecimiento lo continua pa e último tanda.

E finalistanan lo wordo huzga door di un bishita personal na su empresa/compañía, un entrevista na radio y un presentacion di su of nan empresa/compania na un cuerpo di jurado profesional cu lo determina e ganador maximo. E ganador di e premio Best in Business Award 2017 ta Sr. Diederik Kemmerling di The Lab-Grow Marketing Solutions.

E ganador di e Best in Business Award Aruba di Guardian Group 2018 lo wordo anuncia durante un coctail party diahuebs dia 28 di juni.

 

 

- Advertisement -

DUNA COMENTARIO

Please enter your comment!
Please enter your name here