Home Social Bierna Santo tin peregrinacion saliendo for di cas di Atan Lee

Bierna Santo tin peregrinacion saliendo for di cas di Atan Lee

11
0
SHARE
- Advertisement -

ORANJESTAD (AAN): E acostumbrado y prome peregrinacion publico di Atan Lee lo tuma lugar manera costumber, saliendo for di Residencia di Atan Lee pa Kapel di Alto Vista.

E ta cuminsa pa 4:45 a.m. y manera semper lo bay tin canto, oracion y tur hende ta ser pidi pa bin cu misal di pueblo y un flashlight chikito.

E aña aki ta un aña cu mester reza hopi pa nos pais, pa nos muchanan, pa nos hobennan, kendenan hopi di nan no ta ser guia ariba e caminda di Señor, e caminda di proteccion.

Ta tristo pa lesa awe den corant cu di cada 5 mucha 3 ta ser abusa y tambe e morto di e dos muchanan door di nan propio mayornan den un forma inmensamente cruel, ainda tin heridanan profundo den nos pais. Den otro caso ruman ta complace pa otro mata nan su propio ruman. Di otro banda ya ta bay 4 suicidio pa e aña aki.

Na unda nos ta bay, ta pesey nos mester reza rumannan pa Señor y Mama Maria pone Nan Mannan protectora ariba nos dushi pais.

Den hopi caso mayornan divorcia ta e culpable di mas grandi cu nan yiu, nan propio sanger ta yega asina leu. Nos no por sconde pa e cantidad di droga cu ta ser usa door di muchanan di apenas 9 aña pariba. Parehanan kibra ta lubida cu ta nan reponsabilidad pa duna nan yiunan e mihor educacion pa asina nan no cay den tentacion loke nan ta pasando aden.

Di otro banda nos lo reza pa paz mundial y aki na Aruba mes, na unda lucha pa poder y cosnan material ta na ordo di dia. Lidernan, politiconan mundial y aki tambe ta sigui duna e mal ehempel y tur dia ta bringa con nan por keda o bin na poder.

Tur esnan cu ta tuma parti na e peregrinacion ta ser pidi pa bin decentemente bisti y pa haci e peregrinacion cu hopi devocion y amor. No mag di stroba otronan.

Den nomber di Señor bou guia di Spiritu Santo nos lo ta uni den oracion y pidi’E pe obra e mainta aki.  Mi ta desea henter pueblo di Aruba un siman yena cu devocion, reflexion y amor.

- Advertisement -

DUNA COMENTARIO

Please enter your comment!
Please enter your name here