Home Gobierno Bo mester tin 60% di e edificio construi, prome cu bo por...

Bo mester tin 60% di e edificio construi, prome cu bo por transferi bo tereno pa otro hende

87
0
SHARE
- Advertisement -

Parti di maneho di tereno:

ORANJESTAD (AAN): Durante un conferencia di prensa Diahuebs mainta, Minister di Infrastructura Otmar Oduber a papia riba e maneho cu tin actualmente riba otorgamento di tereno pa construi cas y pa negoshi.

Pa loke ta e parti comercial, tin un proceso unda cu bo tin cu entrega un descripcion cortico di bo negoshi ora cu bo hasi bo peticion pa e tereno.

“Den pasado bao di e gobierno anterior te hasta tabata yega na acuerdonan rapido cu amigonan di e partido, pero esaki no por mas”.

“Awor bo ta entrega bo peticion, si e peticion ey den nos bista ta cuadra cu nos maneho di ‘Ruimtelijke Ordening’, bo ta manda un descripcion cortico di bo proyecto y una vez cu bo haya OK pa esey bo por yega na remarke pa un ‘optie’ cu ta standard pa tur hende”.

“Ora cu bo pasa e optie bo ta haya un acuerdo di erfpacht, despues di cual bo ta haya un acto notarial”.

Esaki segun Oduber, kende a indica cu esnan cu kier inverti na Aruba y ta hasi un proyecto tin cu paga un porcentahe di e suma total di e inversion.

Si bo ta bay construi un edificio mas grandi, ta mas hopi e porcentahe di contribucion ta bay ta.

Antes tabata 5 promil, pero awor el a wordo hisa na 7.5 promil.

E suma cu wordo paga ta bay pa yuda salvaguardia naturaleza, medio ambiente y e aspecto social aki na Aruba, segun e mandatario.

Otro cambia cu tin ta cu no ta sin mas bo por transferi e tereno cu bo a haya, si cu tin cierto criterionan cu wordo aplica na dje, cu ta describi den e proceso.

Oduber a splica cu un di e partinan importante ta cu bo mester tin 60% di e edificio construi riba e tereno, prome cu bo por transferi esaki.

Esey ta pa evita cu ta hasi negoshi cu tereno, segun e mandatario.

Asina tin un cantidad mas di rekisito pa loke ta entre otro ora cu bo kier expande bo cas of bo negoshi.

 

- Advertisement -

DUNA COMENTARIO

Please enter your comment!
Please enter your name here