Home Comercio Camara di Comercio kier yuda lanta e desaroyo economico di San Nicolas

Camara di Comercio kier yuda lanta e desaroyo economico di San Nicolas

17
0
SHARE
- Advertisement -

ORANJESTAD   (AAN):   Den e incertidumbre cu lo tin pa cu caso di CITGO, Distrito di San Nicolas enfaticamente lo a demostra su preocupacion a traves di representante di San Nicolas Business Association ken a haya e bishita di Sr. Ernst Mohammed, presidente di Camara di Comercio pa sinta traha plannan pa ayudo economico.

San Nicolas lo merece mayor atencion asina a expresa e representante di Camara di Comercio riba su bishita  y tambe cu nan lo bay sinta pa wak den cual forma nan lo por asisti San Nicolas Association di sali dilanti pa cu desaroyo di San Nicolas su comercio.

Ta wak cu e di dos distrito di Aruba lo ta mustra un imagen hopi bunita awor aki y semper lo tabata tin su encanto, caminda cu esaki mes lo ta e intencion di Camara di Comercio pa hiba tur e impresionnan aki dilanti gobierno den un bon manera, unda cu keto bay nan lo keda traha den funcion di comunidad y no pa politica di niun banda, segun sr. Ernst Mohammed.

Mester desaroya e potencial cu San Nicolas y zorg pa tene un bon ambiente di alegria, speranza y progreso di pueblo. Lo bay traha ariba un mayor diversidad di negoshi pa pariba di brug, unda cu esaki lo ta contempla den e plan cu lo ta bay concretisa den un futuro den conhunto cu gobierno y San Nicolas Business Association, y Sr. Mohammed, di Camara di Comercio a enfatiza esaki tambe.

Finalmente mester a menciona e parti social lo bay hunga un rol tambe den e bon desaroyo di Distrito di San Nicolas unda cu gobierno di otro banda sigur lo mester pone ariba su agenda di trabou pa logra un San Nicolas mas sano y cu mas alegria y negoshinan den e comunidad.

Pero prome cu esaki lo bin un edificio cu lo bay ta e fundacion pa crea un demanda pa pariba di brug unda cu lo tin hopi tereno, y edificionan bashi y logra cu San Nicolas lo por florece di nobo.

- Advertisement -

DUNA COMENTARIO

Please enter your comment!
Please enter your name here