Home Comercio Casa Nonna New York, NY a habri na The Ritz Carlton Aruba

Casa Nonna New York, NY a habri na The Ritz Carlton Aruba

20
0
SHARE
- Advertisement -

Cu e creatividad di e chef arubiano Rollyn Angela

ORANJESTAD  (AAN):  Den luna di Maart, despues di un proceso di remodelacion, a habri na The Ritz Carlton Aruba e restaurant italiano Casa Nonna New York, NY.

Ritz Carlton Aruba ta destaca pa semper ta den proceso di innovacion/creatividad y pa esaki a lanza e experiencia gastronomico aki conhuntamente cu nan team di chefs encabeza pa e conocido Executive Chef Rafael Lopez-Aliaga y Casa Nonna Chef, Rollynn Angela, kende ta un yiu di tera destacando den mundo culinario.

Prensa a wordo invita pa bira parti di e experiencia nobo aki y den entrevista cu DIARIO, Casa Nonna Restaurant Manager, Raynald Malmberg a splica cu e concepto aki ta trece net e cuminda italiano pa Aruba cu ingredientenan realmente italiano.

“Un cos cu ta haci nos diferente ta cu nos ta traha nos mesun pasta. Chef Rollyn ta traha su mesun pasta akinan cu ingredientenan autentico. Esey ta loke nos kier pone enfoke riba dje. Come dushi y come estilo italiano acompaña pa un bon biña” a bisa.

Malmberg a agrega cu Ritz Carlton Aruba ta keda haci cosnan diferente pa por sigui crece y ta creativo pa e huespednan cu ta biniendo aña tras aña Aruba. Mester ofrece nan un producto innovativo, nobo, sumamente bon y di calidad halto. “Conhuntamente cu e chefnan ta yuda nan creatividad pa nos por keda sigui crece”, a indica.

Un otro aspecto creativo cu Casa Nonna ta conta cune ta cu e bartender cu ta cana den e restaurant cu su garoshi (walking bar)  bon surti ofreciendo e guestnan e bebida di nan preferencia. Esaki tabata algo hopi leuk pa mira y sigur algo hopi aprecia.

Pa e ocasion aki prensa por a saborea algun di e specialidadnan cu Casa Nonna New York, NY tin pa ofrece. Algo cu sigur bo mester pasa experiencia pa bo mes!

Casa Nonna New York ta habri di 6 pm te 11:30 pm.

- Advertisement -

DUNA COMENTARIO

Please enter your comment!
Please enter your name here