Home Hudicial Caso civil ta sigui pa grupo di trahado di gobierno cu a...

Caso civil ta sigui pa grupo di trahado di gobierno cu a worde nombra via ministerraad

53
0
SHARE
- Advertisement -

ORANJESTAD(AAN): Tin un grupo di trahado cu bufete di David Kock a representa. Pa un parti di e trahadonan aki, por tabata tin duda bao di ki regulacion nan ta cay.

Un contractant, normalmente ta haya un arbeidsovereenkomst cu e ta firma cu Land Aruba y su status e ora ta duidelijk. Sinembargo, un paar di e hendenan aki, no tabata tin un contract asina firma. Nan a worde djis nombra den ministerraad, locual ta e procedura cu hopi biaha un persona ta pasa pa bira ambtenaar.

Despues mester bin un landsbesluit pa formalisa su nombracion. E pregunta tabata, pero mirando con el a worde nombra door di ministerraad y no tin un arbeidsovereenkomst, e lo cay bao di e ambtenarenrecht si of no. E issue tabata cu si e ley di ambtenaar ta aplica. Tin 30 dia pa haci algo contra un decision.

A bisa djis pa ta sigur, a entrega esey fuera di e otro caso cu ta andando, pa si mañan un hues bisa cu no ta cerca un hues civil mester ta, cu mester bay na un hues di ambtenaar. A haci’e mas como un siguridad.

A papia cu e clientenan di antemano. Hues den e caso aki, den su veredicto a bisa cu maske cu no tin un arbeidsovereenkomst, ta cerca hues civil mester ta. Pesey a trece e claridad eynan y e caso civil ta sigui.

Fecha: Un caso civil ta dura un tiki. Ta calcula cu den April probablemente e caso lo worde trata.   Tin hende ora nan worde contrata, ta pa e termino di e gabinete. Ta pesey ora tin un arbeidsovereenkomst, esey ta poni den dje. Dia cu a firm’e y a drenta den servicio, bo tabata sa cu e relacion ta termina ora cu gabinete bay cas.

Pero ora bo tin gruponan di hende, cu esey no ta e caso, pa nan no tabata tin ningun indicacion cu nan ta solamente poni pa e tempo di e gabinete, vooral si nan ta haci trabaonan manera coleganan ambtenaar den dienst, no ta coordinadornan cu ta cana cu minister. Pa esey, den opinion di Abogado Kock, gobierno no por pone nan den e mesun grupo di hende cu tabata tey djis pa e tempo di e gabinete y cu nan tin cu bay cas. Esey ta e disputa legal cu ta worde hiba.

Nan no ta tur a cuminsa mesun dia. Tin di nan tin hopi tempo ta traha y tin di nan no tin mucho tempo. E grupo ta varia.

Segun abogado Kock, pa e personanan aki, nan no a drenta como politico. Nan funcion no ta politico, ni coordinador. Esaki ta trece hopi insiguridad pa un hende asina. Gobierno ta bay y bin. Nan ta cambia. Mientras cu tur persona cu cuminsa prome cu bira un ambtenaar, e ta cuminsa traha gewoon na un dienst y su papelnan ta worde canalisa.

Si prome cu e papelnan ey keda cla, un Gobierno cambia y bin bisa nan cada bes, cu nan tin cu bay cas, pasobra tabata tey djis nombra pa e tempo di e gobernacion, ta trece hopi insiguridad y instabilidad.

 

- Advertisement -

DUNA COMENTARIO

Please enter your comment!
Please enter your name here