Home Hudicial Caso di dos Colombiano mata pa autoridad ta un caso hopi largo

Caso di dos Colombiano mata pa autoridad ta un caso hopi largo

217
0
SHARE
- Advertisement -

Abogado David Kock:

ORANJESTAD   (AAN): Por corda un caso di dos Colombiano cu a wordo mata pa autoridad, durante un investigacion, caminda cu cos a bay robes. Tabata na Renaissance Marketplace. Abogado David Kock a splica cu ta un caso hopi largo. E tin di haber cu interpretacionnan huridico cu a haci cu e caso ta te na Hoge Raad na e momentonan aki. Ta en espera di e decision di e advokaat General, cual lo bin na Juni. Pa e aña aki por fin e caso aki por caba.

Dos persona ta wordo tira mata accidentalmente durante un aresto. Den esaki e complicacion extra ta cu ta diferente grupo di famia, pasobra ta dos persona, pero cada un tabata tin dos taki di famia cu dos taki di yiu. E casonan no a core tur na e mesun momento. Nan no a wordo entrega na e mesun momento. Pa un di e famianan a cay un decision pa e compensacion cu e tin cu haya.

Ministerio Publico tampoco no tabata mucho di acuerdo cu e suma y abogadonan tampoco. A bay den casatie. Pesey e caso ta na Hoge Raad.

Un di e otro casonan ainda ta den e ambito penal, caminda cu tambe a pidi compensacion. Pa esey, den prome instancia, Hues a duna su compensacion. Ministerio Publico no tabata di acuerdo y el a apela esey. Pesey ta wardando veredicto otro luna. E ta un caminda hopi largo, cu hopi complicacion huridico. Pero poco poco e ta kedando cla, segun abogado Kock.

Ministerio Publico no kier duna nada, nan no ta contento cu loke hues a duna, pasobra e no tabata kier pa a haya esey. Solamente gastonan di entiero, ministerio publico tabata di acuerdo. Nan tabata kier pa e gastonan wordo baha y e bufete no tabata contento cu e suma y tabata kier pa e wordo subi.

E prome tak di e famia, hues den prome instancia a otorga un suma di mas of menos 70 mil florin. Contra esey, e bufete a apela pasobra a haya cu ta mucho abao y ministerio publico a pidi pa esaki wordo baha.

Pais Aruba ta pag’e, pasobra e agentenan policial a haci’e den funcion. E ora en principio no ta personalmente responsabel.

Abogado David Kock a splica cu tin tres grupo ainda den cual tin cu stipula kico ta e suma cu nan tin cu haya. Tambe e gruponan ta diferente. Un di e gruponan tin tres yiu y nan ta hopi chikito, ta un otro suma cu si un otro taki cu tin manera un yiu, cu ta casi yegando pa bira mayor di edad. Tin cu calcula a base di alimentacion, ki edad e yiunan tin. E sumanan no ta cuadra cu otro, e ta varia, segun e abogado.

E total di tur cuater, lo ta un suma substancial. En total e lo ta mas of menos 1 miyon. Lucha facil e no ta. E experiencia caba ta bisa. Mira cuanto ta bringando caba, te unda nan ta y e caminda cu falta ainda. Casonan asina, a menos cu Gobierno pone un posicion cu si e kier paga of kier settle of ta di acuerdo cu e suma na prome instancia, den tipo di casonan aki, esun cu no ta contento, semper lo sigui bringa te cu mas halto cu e por bay. Den casonan asina Hoge Raad ta e ultimo instancia cu lo por bringa.

Abogado Kock a splica cu gobernantenan no ta combersa riba casonan cu e partidonan cu ta den corte. Unico lo ta un comunicacion via nan representante legal. Den fase cu e ta, tur hende ta djis para warda y wak kico hues ta dicidi.

 

- Advertisement -

DUNA COMENTARIO

Please enter your comment!
Please enter your name here