Home Hudicial Castigo combina pa homber cu a usa amoniak riba ex casa

Castigo combina pa homber cu a usa amoniak riba ex casa

124
0
SHARE
????????????????????????????????????
- Advertisement -

Hues no ta haya proba acusacion di purba mata

ORANJESTAD (AAN): E homber O.V. a haya castigo combina o sea un parti condicional cu un tempo di prueba bou guia di Reclasering. Hues no ta haya proba cu O.V. kier a mata pero si cu O.V. kier a purba causa lesion serio usando amoniak riba su ex casa. Fiscal a exigi 12 luna di prison di cual 5 luna ta condicional pero Hues a reduci e castigo mirando cu Fiscal mes a bisa cu no a keda proba intento di mata.

USA AMONIAK RIBA EX CASA:

Algun siman pasa tratamento di e caso aki a tuma lugar caminda Fiscal ta acusa O.B.V. cu dia 22 Juli 2017, el a purba mata su ex casa, e dama R. Tambe Fiscal ta acusa O.V. di a causa maltrato severo cu e dama. Mas subsidiario Fiscal ta acusa O.V. di a purba haci maltrato severo.  Mas subsidiario maltrato premedita.

O.V. a admiti di a haci un error grandi di maltrata. Hues a mustra cu e dama a bisa cu nan a divorcia y diferente biaha a yama Polis p’e. Na 2012 a kima su cas y O.V. bay sera y e dama a bay Merca. Despues di 2 aña el a tende cu O.V. a haya un partner y el a bolbe Aruba.

Ta asina cu constantemente O.V. bao influencia ta bin pa keda drumi na e cas. Dia 22 Juli 2017, O.V. a presenta marduga pa keda na e cas. E dama a hib’e parada di bus y e dama a bay misa. Despues O.V. a presenta na e cas atardi. El a pidi e dama pa e keda cas drumi pero e dama a nenga. Despues el a permiti O.V. bay baño.

E momento ey e dama tabata papiando na cel cu tata di O.V. Despues O.V. a bis’e bay wak algo y el a pone paña cu amoniak na boca y nanishi. Asina a start un luchamento formal. O.V. a hasta hinca dede den boca di dama pa e no hala rosea. E dama a morde O.V. su dede y e dama a saca sanger. El a core sali for di cas bay cerca bisiña cu a hib’e hospital.

E tata di O.V. a scucha tur cos. E tata a bisa cu nan tin miedo di O.V. kende ta bira hopi violento ora e ta bay influencia di droga.

A haci investigacion forense den cas caminda a constata varios mancha di sanger na muraya. Den baño a haya paña y a manda esaki Hulanda pa NFI pa determina via forense kico ta e likido. NFI a determina cu e paña tabatin Amoniak den dje. Amoniak ta toxico pa hende si guli’e. Pero si pone riba paña y pone riba cara di un persona, e por tin efectonan malo pa e persona. Dokter cu a analisa e dama y a constata cu el a sufri irritacion den garganta.

Hues a mustra cu O.V. tin carchi di castigo y e ta adicto na cocaine. Ta asina cu O.V. a worde condena den pasado pa violencia. Na 2011 el a worde condena pa menaza di e dama. Na 2015 el a worde condena pa cende candela. Aña pasa na Januari 2017 el a worde condena pa menaza.

Raport di Reclasering ta mustra cu diferente biaha O.V. a sigui tratamento di rehabilitacion pero no a cada esaki. Tambe cu O.V. no a sigui curso di controla agresion. Reclasering ta pidi pa O.V. bay cay bou guia di Reclasering y mester sigui curso di controla agresion.

Psycologo ta haya cu O.V. ta responsabel di su actonan. Tin chens cu e lo bolbe haci’e y mester sigui curso pa control agresion. Mester rehabilita tambe di droga.

EXIGENCIA DI FISCAL:

Fiscal a bisa cu e ta haya O.V. culpable di intento maltrato severo. El a pidi pa declar’e liber di intento di mata. Esaki door cu el a usa amoniak na cara di e dama. Fiscal a mustra cu si a keda mas largo cu e paña na cara di e victima, lo por tabatin consecuencianan mas serio. E victima a lucha fuerte pa los. E victima a cuminsa saca sanger y a core sali for di e cas.

Tin testigonan esta bisiña y e tata di e sospechoso cu a mustra cu e dama a worde maltrata. Tanto Reclasering como psycologo ta mustra cu O.V. mester controla su emocionnan. Fiscal a bisa cu en principio e ta haya cu O.V. a sinta suficiente. Pero mirando cu O.V. kier ayudo el a exigi 12 luna di prison di cual 5 luna ta condicional. Tempo di prueba ta 2 aña, bou guia di Reclasering y mester sigui tur instruccion esta rehabilita di droga y e curso di control di agresion.

SENTENCIA:

Despues di algun siman, awor Hues a dicta sentencia caminda el a bisa cu e no ta haya proba O.V. kier a purba mata su ex. Hues si ta haya proba purba causa lesion severo. Hues a bisa cu O.V. a usa amoniak, cu ta hopi peligroso. Pa cu castigo, Hues a tene cuenta cu O.V. a bay den cas di ex casa y a bay maltrata. E ex no a haci nada.

Tambe Hues a tene cuenta cu e carchi di castigo caminda tin diferente condena pa violencia. Hues a condena O.V. na 360 dia di prison di cual 138 dia ta condicional cu un tempo di prueba di 2 aña. Hues tambe a bisa cu O.V. ta cay bao guia di Reclasering

 

- Advertisement -

DUNA COMENTARIO

Please enter your comment!
Please enter your name here