Home Salud Como 195 miyon di hende muher rond mundo ta sufri di riñon

Como 195 miyon di hende muher rond mundo ta sufri di riñon

172
0
SHARE
- Advertisement -

ORANJESTAD(AAN): Durante encuentro cu Salubridad Publico, a papia riba e fecha unda ta recorda dia internacional di riñon. Jurette Croes a toca e tema di riñon.

Aki el a splica riba e fecha cu ta cay tambe riba e mesun fecha cu dia internacional di hende muhe. Rond mundo riba e dia aki, organizacionnan di salud ta haci diferente actividad pa por trece informacion na nan comunidad riba e importancia di e riñonnan.

Ta trece informacion manera comportacion cu por trece problema cu riñon. Ta trece informacion riba malesanan cronico manera Diabetes, obesidad y presion halto, cu na momento bo no tin nan bao di control, por conduci na problemanan di riñon.

Tambe lo informa y educa personanan cu ta sufri caba di malesanan di riñon, con nan por biba mas saludabel cu nan riñon cu ya ta afecta. Tema di e aña aki, ta Kidney & Women’s Health. Pa motibo cu el a cay riba e mesun dia cu Da Mundial di Hende Muhe y tambe Jurete Croes a splica cu investigacion a mustra con hende muher tin un tiki mas riesgo di haya problema di riñon.

Rond di mundo, ongeveer 195 miyon di hende muhe ta sufri di problemanan di riñon. Problemanan di riñon por conduci cu na un edad prematuro bo por muri si no haya yudansa medico optimal of den casonan extremo no haya un transplante di riñon tempran.

Jurette Croes di Salubridad Publico tabata hunto cu internista dr. Zaheeb Choundry pa toca e tema di Riñon. Pa e luna di Maart, Departamento di Salud Publico, hunto cu Imsan, hunto cu Hospital y hunto cu Kidney 297, lo trece mas informacion riba e topico aki.

 

 

- Advertisement -

DUNA COMENTARIO

Please enter your comment!
Please enter your name here