Home Cultura Concierto Gospel na Cas di Cultura Diabierna...

Concierto Gospel na Cas di Cultura Diabierna awor

14
0
SHARE
- Advertisement -

ORANJESTAD   (AAN): Diabierna awor dia 2 di maart lo tin un concierto di gospel cu lansamento di e cd nobo di gospel titula “Do you believe”.

E concierto ta organisa pa señor Robert Reeberg. Señor Reeberg ta hopi conoci como autor di buki pa mucha aki na Aruba. Un paar di aña atras tambe el a saca un cd di cantica pa mucha titula “Canta cu alegria” cu e coro Tutifruti di Maybelline Arends.

E biaha aki señor Reeberg ta mustra su talento riba tereno di gospel cu lansamento di e cd titula “Do you believe” den forma di un concierto. Letra y melodia di tur e composicionnan ta inspiracion di e propio señor Reeberg.

Un grupo di tremendo cantante local a participa na e realisacion di e cd aki. Nan ta Rachel Kraaijvanger, Richard Dabian, Charles Croes, Vanessa Gutierrez, Hilyann Croes. Vicario Illis, Vivienne Gomez-Rivadeneira, Gregory Goedgedrag, Coro Rejoice Reunited y Eltienne Yarzagaray, cu por cierto ta interpreta e cantica cu ta carga e titulo di e cd. Ivan Quandus a percura pa e areglo dje canticanan.

Como invitadonan special e anochi aki lo participa Treble for Jesus, Paula Reeberg, Hobennan di Iglesia di Dios y coro Melange di Maybelline Arends.

E cd aki ta dedica na señora Maybelline Arends, cu for di e prome momento cu señor Reeberg tawata su alumno, semper a encurasha y a yuda señor Reeberg cu conseho den proyectonan musical.

Carchinan ta obtenil na Citgo Palm Beach, Friends of God, Van Dorp, Dowco y Aruba Post.

Ta invita un y tur pa bin yena boso spirito cu e bendicion di Dios cu bunita alabansa e anochi aki.

 

- Advertisement -

DUNA COMENTARIO

Please enter your comment!
Please enter your name here