Home Hudicial Corte Superior a declara acusado principal di asesinato Lalo Webb como liber

Corte Superior a declara acusado principal di asesinato Lalo Webb como liber

3118
0
SHARE
— Dia 19 di Maart nan a tira mata Lalo Webb na Hooiberg.
- Advertisement -

ORANJESTAD (AAN): Corte Comun di Husticia riba Dialuna a declara liber, e sospechoso E.J.M. Herrera di e asesinato cometi dia 19 di Maart 2015 cerca di Indian Rock Garden na Hooiberg.

Por corda con aña pasa dia 10 di Mei 2017, e sospechoso E.J.M. Herrera a wordo condena den Corte di Prome Instancia cu un castigo di 20 aña di prison.  Pero na opinion cu Corte Superior, no tin suficiente prueba pa condena E. Herrera.

Corte Superior a duna otro balor na e pruebanan cu Corte di Prome Instancia a usa den e caso.  En esencia e sentencia di aña pasa tabata basa riba resultadonan di e DNA-test y tres combersacion telefonico cu a tap.

Tabatin un prueba mezcla di DNA riba e victima, y segun e investigacion eyden muy probablemnete tabatin e DNA di e sospechoso.  E tres combersacionnan telefonico cu a ser haci riba e dia di asesinato, den e investigacion di Recherche a wordo apunta riba sospechoso.  Ministerio Publico ta insisti cu ta e sospechoso a papia den e yamadanan telefonico cu e supuesto persona cu a duna ordo pa bay mata.

Pero Corte Superior ta opina cu e reconocimento di e voznan y e forma con esaki a wordo haci, no ta confiable.  Corte Superior tambe a scucha e combersacionnan aki, mescos cu Abogado tambe.  E combersacionnan telefonico cu a supuestamente a wordo haci cu e persona ‘cu a duna ordo’, pesey no por wordo usa como prueba den Corte.

E demas combersacionnan telefonico y e resultadonan di DNA, hunto no ta duna suficiente prueba pa conclui cu e sospechoso aki mes ta esun cu (hunto of su so) a comete e asesinato aki.  Tin posiblemente mas otro hende envolvi den e asesinato aki, y no ta descarta e posibilidad cu otronan a mata e victima.

Esaki ta cuadra cu e resultadonan di e investigacion (forense), unda por ehemplo ta mustra tambe cu di 3er DNA di hende desconoci a wordo haya riba e victima, y e hecho cu e telefon cu nan a tap, no ta pertenece na e sospechoso E. Herrera, y cu otro persona tambe tabata use.

Corte Superior ta bati riba dede di Ministerio Publico y Recherchenan, cu e investigacion tin hopi ‘losse eindjes’, esta puntonan unda Ministerio Publico por a haci investigacion mas profundo, pero a neglisha nan.

E sospechoso a apela su caso contra su sentencia di 20 aña, y awor ta sali liber.  Ministerio Publico awor tin 14 dia pa dicidi si ta apela y bay Cassacion na Hulanda.

 

- Advertisement -

DUNA COMENTARIO

Please enter your comment!
Please enter your name here