Home arte y espectaculo Cosecha den pleno preparacion pa 18 di Maart

Cosecha den pleno preparacion pa 18 di Maart

8
0
SHARE
- Advertisement -

ORANJESTAD (AAN): Cosecha y e artesanonan ta den pleno preparacion pa dia 18 di Maart. Riba dia di Himno y Bandera, nos ta ofrece dos workshops creativo den Cosecha su Creative Center na San Nicolas. Un workshop ta pa participantenan bin traha un obra di man y e otro workshop ta pa pinta nos bandera riba canvas cu un paisaje bunita como background.

E prome workshop ta di 10.00 am – 11.00 am. E artesano Natalia Koolman a colecta piesanan di driftwood riba beach na Aruba y ta bezig ta prepara nan. Participantenan lo traha un Cas di Cunucu cu pida driftwood y otro material recicla. Despues di verf y pone un bandera den e cunucu, tur participante ta bay cas cu su obra.

Edad pa participa ta di 8 aña bay ariba. Lo cobra un suma cu ta inclui material y refreshment.

E segundo workshop ta di 1:00 pm – 2:00 pm. E pintor Erika Moran ta yuda participantenan pinta Aruba su bandera riba canvas. Pa completa e pintura tambe lo verf un paisaje bunita como background.

E edad pa participa ta di 10 aña bay ariba. Pa e prijs lo bo haya material y refreshment.

Inscripcion ta necesario y esaki ta tuma lugar na Cosecha San Nicolas of na Cosecha Oranjestad. Pa mas informacion por tuma contacto cu email na arubacosechasn@gmail.com.

- Advertisement -

DUNA COMENTARIO

Please enter your comment!
Please enter your name here