Home Deporte Cuater hungador di tennis di mesa participando na clasificacion pa e Weganan...

Cuater hungador di tennis di mesa participando na clasificacion pa e Weganan Centro Americano y Del Caribe

11
0
SHARE
- Advertisement -

ORANJESTAD (AAN) – Dentro di algun luna varios deporte di Aruba lo representa nos dushi isla den e Weganan Centro Americano y Del Caribe na Barranquilla, Colombia. Den e simannan nos dilanti pa varios deporte y nan atletanan esakinan lo ta uno crucial, mirando cu nan lomester na purba na busca nan clasificacion pa e weganan menciona.

Un di e seleccionnan cu lo busca nan clasificacion ta esun di tenis di mesa forma pa e hungadornan hoben Ching Ho Chung, Jeandry Mathilda,  Johnatan Paredes y Jean Claude Hoek.

E cuater atletanan aki bou guia di coach Ruddy Ragga lo mester lucha contra e 14 miho paisnan den nos region y Venezuela pa asina busca un lugar pa yega Barranquilla. Un tarea cu sigur no lo bay ta facil mirando cu e nivel den e area di Caribe y America Central ta uno halto.

No obstante di e esaki, e seleccion di tennis di mesa tin e experencia suficiente pa por saca un resultado faborabel. Ultimo, e hungadornan Ching Ho Chung y Jeandry Mathilda a duna bon bataya den e Weganan Suramericano Hubenil na Santiago de Chile, un muestra cu nos a progresa bon den e deporte di ping pong. E clasificacion lo ta di 27 di februari pa 4 di maart.

Un danki sigur na Lotto, e Loteria di Aruba pa medio di St. Sportsubsidie Aruba cu a subsidia e biahe di e atletanan di tenis di mesa pa e clasificacion Weganan CAC Barranquilla 2018 na Cuba.

 

 

.

 

 

 

- Advertisement -

DUNA COMENTARIO

Please enter your comment!
Please enter your name here