Home General Cunukero Alberto Rasmijn ta splica pakico awa di dam ta mihor

Cunukero Alberto Rasmijn ta splica pakico awa di dam ta mihor

30
0
SHARE
- Advertisement -

Papiando di agricultura local:

ORANJESTAD (AAN) — Tabata tin premira cu algun acuerdo por  beneficia e Sector di agricultura na Aruba y esaki lo ta e punto unda cu un acuerdo lo a tuma luga entre Departamento di Agricultura , cria y pesca y compania Web NV.

Riba e tema aki Sr. Alberto Rasmijn di e Cunucu Cobalodo ta duna su opinion, den entrevista cu nos redaccion.

El a expresa cu e areglo a tuma luga no ta un mal idea, pero e awa lo bay tin mester di hopi productonan prome cu lo por wordo poni riba tera pa haya un bon cosecha ya cu e ta un awa morto y den caso puntual di meneer Rasmijn e ta splica cu e ta haci su plantacion mas tanto cu awa di damnan.

Den caso cu awa no lo yobe e awa aki cu ta provee WEB lo por sirbi pa rega e matanan chikito, por ehemplo concomber y mester basha awa dos biaha pa dia anto drecha e tera bon tambe, siendo cu e solo di Aruba ta caba cu e cosecha tambe.

E awa aki lo mester haya vitamina pa haci un funcion adecua na e plantacion, y esaki a wordo constata pa meneer Rasmijn di Cunucu Cobalodo, unda cu el a haci un test pero a constata cu awa di dam lo ta produci miho resultado.

Den un caso di Cunucu Cobalodo, cu tin plantacion grandi, e awa di dam lo ta esun indica, unda cu mester uza un cantidad di 20 bari grandi cu plantacion di concomber, pinda, bonchi, yambo, milon, patia, mango y sorsaca entre otro.

Sr. Alberto Rasmijn a expresa tambe, cu e lo kier haya un audiencia cu Minister Chris Romero unda lo por duna e colaboracion cu ideanan pa keda traha cu awa di dam y coba damnan mas grandi ya cu ta e unico manera pa por haya bon plantacionnan na nos pais.

 

- Advertisement -

DUNA COMENTARIO

Please enter your comment!
Please enter your name here