Home Salud Curso di yoga pa 60 plussers na Club Kibrahacha

Curso di yoga pa 60 plussers na Club Kibrahacha

20
0
SHARE
- Advertisement -

ORANJESTAD   (AAN):  Bo tabata sa….. Ora bo tin un curpa bo por hasi yoga. Tur hende por hasie!

Yoga tin hopi beneficio pa salud fisico, mental y emocional. Door di practica Yoga bo ta yuda bo mes keda fuerte y saludabel. Tambe bo por gana flexibilidad y balansa fisico y mental.

Dia 11 di april Club Kibrahacha 60+ conhuntamente cu instructornan di Yoga Marcelle Meijs y Leontine Merkies ta cuminsa cu un curso nobo di Chair Yoga pa hende di edad avansa.

E sesionnan aki a wordo desaroya specificamente pa yuda hende cuida nan mes bon te na edad halto. Leontine y Marcelle ta instructornan cu ta bon certifica como docente di Yoga y cu tin basta experiencia cu Yoga pa hende grandi.

Nan ta duna les di Yoga na diferente luga na Aruba pa varios aña caba. E curso nobo na Club Kibrahacha lo tuma luga riba diaranzon mainta pa 10.30 te 11.30 y ta wordo ofrece pa 10 siman largo te cu dia 13 di juni.

Lenga di instruccion lo ta Papiamento, Hulandes y Ingles. Lesnan di yoga tambe ta habri pa hende cu no ta miembro di Club Kibrahacha actualmente.

Pa mas informacion por tuma contacto cu Angie Amidjojo di Club Kibrahacha na nr di telefon 5828159 di dialuna te diabierna entre 8am y 4.30pm of tambe cu Marcelle Meijs na celular/whatsapp 5665930.

- Advertisement -

DUNA COMENTARIO

Please enter your comment!
Please enter your name here